O EDLG do centro, en colaboración do Departamento de Lingua Galega e de Relixión organizaron unha visita á Casa de Rosalía e ao Belén de Valga para o alumnado de 1º ESO.
Asistiron a unha visita guiada na Casa Museo de Rosalía e posteriormente en dúas quendas participaron nun escape room con xogos de pistas sobre a vida e obra da poeta.
Ao final da mañá desprazáronse ata o concello veciño de Valga onde puideron marabillarse co Belén Artesanal en Movemento, o maior deste tipo a nivel autonómico e declarado de Interese Turístico de Galicia.
Puideron ver as novas figuras e escenas que representan a personaxes populares e de relevancia social e política ou acontecementos que marcaron a actualidade a nivel local, nacional e internacional durante o ano 2025.
Ningún comentario:
Publicar un comentario