Biblioteca do IES MONTE DAS MOAS
"Ler é soñar da man do outro" Fernando Pessoa

venres, 15 de outubro de 2021

SAMAÍN ARREPIANTE NAS MOAS 2021

Como todos os anos nesta época, desde a biblioteca e o EDLG do centro convocamos un concurso para celebrar un Samaín terrorífico que nos permita decorar cos vosos deseños máis arrepiantes os corredores e a biblioteca das Moas. Animádevos a participar e deixade voar a vosa imaxinación e creatividade entre mouchos, bruxas, cabazas, morcegos ou castelos endiañados!!

TEDES DE PRAZO ATA O 25 DE OUTUBRO PARA A ENTREGA DOS CARTACES QUE SE EXPORÁN NA BIBLIOTECA!!


luns, 20 de setembro de 2021

Protocolo Covid de uso en Bibliomoas no curso 2021/2022

Agora que comeza un novo curso, deixamos por aquí as normas actualizadas do uso da nosa biblioteca actualizadas coa normativa Covid vixente para os espazos escolares. 

Queremos seguir sendo a vosa biblioteca de referencia e axudarvos a localizar as vosas lecturas e asemade animarvos a participar das actividades de dinamización que organizaremos desde ela ao longo do curso. 

Desde Bibliomoas desexámosvos un bo curso e tentaremos contribuír a que toda a comunidade escolar desfrute e alimente o seu hábito lector con actividades entretidas. Irémosvos dando conta por aquí das novidades chegadas á nosa biblio e non dubidedes en nos suxerir novas adquisicións que contribúan a enriquecer o noso amplo catálogo, así como recorrer a todo o equipo de biblioteca para que vos fagamos recomendacións que vos axuden a continuar desfrutando da lectura e da creación literaria ou artística.

Moi bo curso para todas e todos!! Ánimo!!

O equipo de biblioteca

 

Protocolo Uso Da Biblioteca... by Bibliomoas

martes, 29 de xuño de 2021

luns, 21 de xuño de 2021

MAKAKO NEWS

 "Telediario" elaborado por alumnado de 2º de ESO C na materia de Lingua Castelá. 

Para pasar un bo anaco...


venres, 11 de xuño de 2021

As Letras en EPVeA

 O alumnado de 4º de ESO da materia de Educación PLásica  realizou magníficos colaxes partindo da figura de Xela Arias.

Velaquí o seu traballo.

mércores, 9 de xuño de 2021

Colaxes de XELA

 Colaxes realizados por alumnado de 1º C,D e E de ESO para traballar a obra da escritora homenaxeada. Cada alumno/a debía representar nun colaxe un par de versos da obra de Xela Arias: Darío a Diario

Esta selección ordenouse ao finalizar o traballo de xeito que mediante diferentes colaxes reproduciron poemas da autora luguesa.


luns, 31 de maio de 2021

ESTREA DE "Voaxa e Carmín"

 

O grupo de teatro do IES Monte das Moas presenta a obra "Voaxa e Carmín" de Esther F. Carrodeguas no salón de actos o vindeiro venres 4 de xuño ás 11:30.

Debido ás medidas Covid non haberá público pero será retransmitida en directo.

 https://www.youtube.com/watch?v=KSSS4GOxNn8&ab_channel=FROUMASTREAM



venres, 28 de maio de 2021

COLAXE POLA IGUALDADE DE 2º ESO

O alumnado de 2º ESO elaborou estas colaxes pola igualdade no seo do proxecto "Donas de seu" e velaquí o fermoso resultado.

mércores, 26 de maio de 2021

Novas adquisicións na biblio

 Grazas a achega económica do PLAMBE (Plan de Mellora de Bibliotecas Escolares) do que formamos parte dende hai 6 anos, mercamos 4 ordenadores,un revisteiro e renovamos o proxector coa idea de dar un mellor servizo ao noso alumnado e profesorado.

Ademais imprimimos novos LECTURÓMETROS, o noso orixinal carné-marcapáxinas, cun deseño chamativo para o deleite dos nosos lectores máis pequenos.

venres, 21 de maio de 2021

XELA ARIAS

O alumado da ESO realizou este recitado do poema "Hasme oír" de Intempériome de Xela Arias para homenaxear a poeta nestas Letras Galegas 2021.


xoves, 20 de maio de 2021

Premiados no concurso de Bookface

 Fixemos hoxe a entrega dos premios do concurso de Bookface que organizamos  dentro das actividades do do Día do Libro. 

Estos son os premiados:

1º Premio: David Hernando Alvariños de 1º ESO C

Empatadas a puntos entregamos dous 2ºs premios a:

María Pereiro Celeiro de 1º D

Noa Vila Orizales de 1º E

O resto dos finalistas tamén recolleron o seu pequeno agasallo.



luns, 17 de maio de 2021

Día das Letras: AMEMOS O NOSO!

 Un dos vídeos publicitarios elaborados na materia de Galego no que dous alumnos de 4º de ESO, Sara e Xabi, poñen en valor a nosa lingua.

FELIZ DÍA DAS LETRAS GALEGAS!

mércores, 5 de maio de 2021

DÍA DO LIBRO: As nosas portadas

 Alumnado de 2º de ESO D elaborarou na clase de Castelán unhas orixinais portadas máis unhas pequenas recensións de libros que lles gustaron especialmente. 

Para gozar!!

luns, 3 de maio de 2021

venres, 23 de abril de 2021

DÍA DO LIBRO: Premiados no concurso "Pandemia de cartas"

 Presentamos as fotos que recollen a entrega de premios do concurso "Pandemia de Cartas" realizado con motivo do Día do libro promovido pola biblioteca do Castrillón.

Os premiados son:

1º Premio: Noa Vila Orizales de 1º  ESO E

2º premio: Mariano Carrillo Gómez de 1º ESO D

3º premio: Jeismar Burgueza de 1º ESO E

4º premio: Marta Lamas Castro de 1º ESO C

Noa recibe o premio na súa clase de mans das bibliotecarias do Castrillón, Belén e Alicia.

Os catro premiados pousan con Belén.


mércores, 7 de abril de 2021

Un conto moi especial, os contos do alumnado de 1º ESO B

Deixamos aquí estes contos creados polo alumnado de 1º ESO B coordinados pola súa profesora Xulia Martínez Pedreira.

martes, 6 de abril de 2021

TOPONIMIA DA CORUÑA, CHARLA DE IVÁN MÉNDEZ LÓPEZ

 

Hoxe o alumnado de 1º Bacharelato A e B puideron asistir a unha charla sobre a "Toponimia da Coruña" impartida polo profesor e investigador Iván Méndez López que se centrou en explicar algúns dos topónimos máis interesantes da nosa cidade e do barrio do Castrillón. Esta charla foi organizada pola biblioteca e o EDLG do noso instituto.


domingo, 21 de marzo de 2021

Os lugares de "Marineda"

 Magífica presentación que varias alumnas de 4º de ESO da materia de Lingua Castelá e Literatura  fixeron sobre os lugares de "Marineda", localizacións do texto de La Tribuna, famosa novela de Emilia Pardo Bazán, que representan figurativamnete recunchos da cidade de A Coruña . Nos traballos podemos localizar nun mapa da nosa cidade ditos sitios xunto con fotos dos lugares antaño e na actualidade

Traballo de Candela Nogareda (4ºC). Clica na foto.

Traballo de Irene Quintela Valiño (4º A):

Traballo de Sofía González Tohux (4ºC):

 

 

xoves, 11 de marzo de 2021

HAIKUS

Orixinais haikus realizados por alumnado de 1º de ESO na materia de Lingua Castelá

Para gozar...

domingo, 7 de marzo de 2021

DÍA DA MULLER: Coruñesas Ilustres


 Un ano máis a comunidade educativa feminina  do IES Monte das Moas únese para homenaxear a mulleres salientables en diversos eidos ao longo da historia.  Nesta ocasión escollemos mulleres nadas na provincia da Coruña con moi diversas actividades profesionais e sociais.

Debido á problemática da pandemia publicamos o conxunto de biografías, fotos e outros retallos en formato virtual e no corredor principal expuxemos uns pequenos cartaces coa información básica sobre as mulleres escollidas xunto cun código QR que nos leva a todas as biografías.


   O profesorado que queira traballar a exposición deberá facelo online seguindo esta ligazón  (AQUÍ) ou ben a través de calquera dos códigos QR dos cartaces.

 

 

 

mércores, 3 de marzo de 2021

V Concurso Microrrelatos e Haikus Amnistía Internacional

 Como todos  os anos publicamos o anuncio deste concurso que tan bos resultados deu no noso centro co apoio da materia de Filosofía.

O principal  obxectivo é " fomentar defensa dos Dereitos Humanos no alumnado de secundaria e familiarizalo co labor da Rede".

 Os relatos enviaranse ao correo electrónico do Grupo da Coruña. acoruña@es.amnesty.org. Pdedes consultar as bases no Facebook de Amnistía Internacional.

Moita sorte aos participantes.


 

luns, 22 de febreiro de 2021

Fotografía premiada no "Concurso Virtual de Entroido"

 Presentamos a fotografía premiada no concurso, unha recreación da famosa pintura de Magritte "O Fillo do Home" realizada polo alumno de 1º C de ESO David Hernando Alvariñas.

 Parabéns!!!

 E aquí tendes as fotos finalistas:

 


luns, 15 de febreiro de 2021

O Mundo Máxico de Antón

 A rapazada de 1º de ESO de Moas tivo a sorte de gozar da arte de Antón Romero Piñeiro de Portosín.  Os nenos escribíronlle cartas agradecéndolle a exposición e mesmo realizaron debuxos.

Aquí vos deixamos un pequeno vídeo resumo do evento.

domingo, 31 de xaneiro de 2021

"Mensaxes Enmascaradas"

 Concurso aberto a  ao alumnado de ESO do noso centro no que  buscabamos a foto coa máscara decorada máis orixinal.

sábado, 30 de xaneiro de 2021

Máscaras Ilustradas

 Dentro das actividades organizadas pola Biblioteca para o Día da Paz e con motivo do Día da Ilustración en honor ao nacimento do noso insigne Castelao, temos a honra de presentarvos o traballo realizado polo alumnado de 1º de ESO na materia de Debuxo: poñerlle imaxe á paz sobre máscaras. 

Velaquí o tedes:

 

Pequena presentación dalgunhas das máscaras:
 

xoves, 28 de xaneiro de 2021

DA GUERRA COMA A ARTE/ A ARTE NA GUERRA

Dentro das actividades enmarcadas dentro do DÍA da PAZ, o departamento de Xeografía e Historia organizou  unha charla co título  DA GUERRA COMA A ARTE/ A ARTE NA GUERRA a cargo da historiadora Rosario Sarmiento para o alumnado de de 1º de BAC. 

Pequena reportaxe fotográfica da conferencia AQUÍ.