Para inaugurarmos este Mes das Letras no IES Monte das Moas o EDLG, en colaboración coa biblioteca e o Departamento de Lingua Galega, organizou este recital de Sara Fonta, alumna de 2º de Bacharelato A que escribía poesía e que fai parte da antoloxía de poetas novos que recentemente editou a Aira das Letras baixo o título de 21 poetas do século XXI, edición a cargo do editor Carlos da Aira.
O recital tivo lugar pola tarde no salón de actos e acudiu o alumnado de 1º Bacharelato B e C e de 2º de Bacharelato A. Antes do recital o alumnado da materia optativa de 2º Bach, Literatura Galega do Século XX presentou e entrevistou a Sara quen posteriormente recitou algúns dos seus poemas. Tamén se visionou un videopoema da súa autoría realizado como tarefa para a materia de Lingua Galega e Literatura e que podedes ver nesta ligazón.
Podedes ver aquí as fotos do acto.
Durante os meses de abril e maio por mor da celebración do Día do Libro e das Letras Galegas a biblioteca organizou un mercado solidario con libros antigos e de segunda man que as persoas podían levar a cambio dun kg de alimentos non perecedoiros ou produtos de limpeza.
O recadado será doado ao Banco de Alimentos da Coruña. Aínda podedes participar estes meses. Animádevos!! E moitas grazas pola vosa solidariedade.
O alumnado de Oratoria e colaboración co EDLG participaron nesta edición convocada pola Regueifesta con estas rimas pola paz.
Este luns 28 de marzo o alumnado de 1º de Bacharelato, en horario de 9:20 a 11:00, e o alumnado de 4º de ESO, en horario de 11:30 a 13:10 participaron no Salón de Actos do noso centro dunha actividade promovida polo Departamento de Lingua e Literatura Galega e coordinada pola nosa compañeira Mar Hermida Pico. A actividade foi a proxección dun produto audiovisual, a webserie Amnesia 3.0, coa súa responsable, Irene Pin, e un posterior coloquio coa participación do alumnado.
No día de hoxe recibimos a visita de Abraham Cupeiro nunha actividade organizada polo Departamento de Música e amosoulles e faloulles de instrumentos do mundo.
O alumnado de 1º da ESO visitou a exposición das mulleres nos oficios tradicionais que temos no vestíbulo esta semana e puido realizar unha pesquisa sobre os oficios exsitentes sobre os que despois reflexionaron na aula de Lingua Galega e Literatura.
Un ano máis podedes ver aquí a nosa homenaxe ás mulleres traballadoras co gallo da celebración do Día da Muller Traballadora. Esta edición centrámonos nos oficios tradicionais.
Podedes ver a exposición durante todo este mes no vestíbulo principal.
No Día de Rosalía de Castro o alumnado de francés preparou este recitado do poema "Adiós ríos, adiós fontes"
Ana Carolina Neves Rodrigues de 4º ESO B recibiu un agasallo por ser até o de agora a lectora que máis títulos leu no que vai de curso, como mostra o seu lecturómetro xa rematado.
Para festexarmos o día no que casan os paxariños, este 2 de febreiro, Día da Candeloria, puxemos o alumnado a crearen haikus de amor e natureza que podedes ver neste vídeo nos seus expositores nos corredores e no taboleiro do EDLG. E isto é o amor!!
Aquí vos deixamos neste vídeo o noso expositor para o Día da Paz cunha selección de lecturas en diferentes linguas sobre as guerras, a paz, a convivencia, etc que vos animamos a levar de empréstito para a vosa casa e gozar con elas.
Desde a biblioteca para conmemorar o Día da Paz e a non Violencia deseñamos estas pombas da paz nas que cada alumno escribiu mensaxes de paz e tolerancia nas súas plumas que se foron engadindo no taboleiro do corredor.
