Biblioteca e EDLG do IES MONTE DAS MOAS
"Ler é soñar da man do outro" Fernando Pessoa

domingo, 17 de decembro de 2017

Entrega de premios do concurso de Samain

"O prometido é deuda" e como di o refrán, o pasado venres fixemos entrega dos premios de Samaín ás mellores concursantes de primeiro e segundo ciclo de ESO.
Sentimos moito o retraso, que se debeu a problemas coas compras dos agasallos, pero, como podedes aprezar nas fotos, chegaron con ben ás mans das gañadoras:
María Goday Prado de 4º A ESO

Sofía Losada García de 1º D ESO

mércores, 13 de decembro de 2017

Recomendacións de lecturas do Nadal

Un ano máis presentamos os "agasallos" lectores que recomendamos dende a biblioteca para este Nadal.
Para gozar!!!!

xoves, 23 de novembro de 2017

Día contra a violencia de xénero

O IES MONTE DAS MOAS 
contra as violencias machistas.
Recursos:
EDUCANDO EN IGUALDADE 

A Biblioteca, espazo libre de violencias machistas

mércores, 15 de novembro de 2017

Mes da Ciencia en Galego: actividades


Actividades:

  • Exposición de HARDWARE. As partes dun ordenador
TICs 4º ESO. Profesora coordinadora: Patricia Muñoz.
  • Exposición traballos realizados por alumnado 
"Os minerais na vida cotiá"
Ciencias Naturaís 1º ESO. Profesora coordinadora: Fabiola Cobián
  • Exposición na biblioteca de libros de CIENCIA EN GALEGO.
  • PARCHÍS CIENTÍFICO na biblioteca.
REPORTAXE FOTOGRÁFICA


luns, 13 de novembro de 2017

Formación de Usuarios: Entrega de agasallos.

Como xa é  tradicional vimos de entregar uns pequenos agasallos ao alumnado de 1º de ESO que participou no concurso posterior á sesión de formación de usuarios realizada na biblioteca.
Estes foros os alumnos e alumnas que mellor fixeron o cuestionario:
1º D: Andrea, Sara, Marina, Sofía e Laura

!º C: Izan, Gabriel, Simón e Diego
1º B: Estrella, Irene, Celia, Zoe e Laura

1º A ESO: Andrea Chorén, Andrea Zampalo Brais Diego e Érika

luns, 30 de outubro de 2017

Concurso ARREPIANTE DE SAMAÍN - 3º e 4º ESO

CONCURSO DE PISTAS DE SAMAÍN dirixido a alumnado de 3º e 4º de ESO

Trátase de descubrir o nome dunha obra literaria de recente publicación seguindo as pistas que vos deixamos a continuación.

BASES:
As respostas deberán ser enviadas ao enderezo de correo da biblioteca: bibliomontemoas@gmail.com
  • No correo deberá constar:
  1.  O nome do/a alumno/a e o seu curso e grupo.
  2. O título da obra que buscamos e o seu autor.
  • Non se admitirán respostas despois do día 6 de novembro ás 12 da noite.
PREMIOS:
Unha película en formato DVD ou Blue Ray da elección do/a gañador/a
Un agasallo sorpresa.

De haber empate o premio será adxudicado a sorteo.

domingo, 29 de outubro de 2017

CONCURSO ARREPIANTE De SAMAÍN para 1º e 2º de ESO

A BIBLIOTECA do IES  Monte das Moas presenta un concurso coa finalidade de descubrir 
o nome dunha obra literaria segundo as pistas que se dan a continuación.

As respostas ás pistas están TODAS na exposición de MEDO E MISTERIO da biblio e aquí neste blog.
  • As respostas deberán ser enviadas ao enderezo de correo da biblioteca: bibliomontemoas@gmail.com
  • No correo deberá constar:
  1.  O nome do/a alumno/a e o seu curso e grupo.
  2. O título da obra que buscamos e o seu autor.
  • O prazo remata o día 10 de novembro ás 12 da noite.
PREMIOS:
Unha película en formato DVD ou Blue Ray da elección do/a gañador/a
Un agasallo sorpresa.

De haber empate o premio será adxudicado por sorteo.

.

mércores, 25 de outubro de 2017

Formación de Usuarios 2017/18

Presentamos aquí unha pequena mostra do que aconteceu este ano na formación de usuarios para o alumnado de 1º de ESO.
Despois da charla informativa a rapazada xogou a encontrar libros e contestar unhas cantas preguntas sobre o funcionamento da biblioteca.
A semana que vén daremos conta dos gañadores do pequeno concurso.

Formación de Usuarios 2017/18 on PhotoPeach

domingo, 15 de outubro de 2017

Caza do tesouro do SAMAÍN

En breve dará comezo unha arrepiante CAZA DO TESOURO na biblioteca.

Ide preparando ... as cabezas...ou as cabazas



xoves, 5 de outubro de 2017

Kazuo Ishiguro: Novo premio Nobel de literatura


Despois da polémica do ano pasado pola concesión deste importante premio ao cantautor Bob Dylan, a academia Sueca volve ao terreo da litaratura galardoando ao escritor inglés, de orixe xaponesa, Kazuo Ishiguro quen é especialmente valorado polas súas historias de amplo espectro emocional. 

Algunhas das súas obras foron levadas ao cine, sendo a máis recoñecida Los restos del Día, que no noso país pasaría a ser titulada Lo que queda del día, con Antony Hopkins  e Emma Thomson como protagonistas. 

Deixamos aquí as portadas de dúas das obras máis importantes do autor e un pequeno vídeo para coñecelo un pouco mellor. 

luns, 11 de setembro de 2017

Benvid@s

Benvid@s a un novo curso cheo de ilusións... e de lecturas.

Propoñémoste un reto lector para este novo curso escolar....

ATRÉVESTE???????

xoves, 22 de xuño de 2017

Voluntariado na biblioteca.

Esta mañá fixemos entrega dos diplomas aos alumnos voluntarios na Biblioteca durante todo o curso. Con eles o préstamo e a xestión da biblioteca fíxéronse máis doados.

Rocío de 4º ESO C e Simón de 1º BAC B foron os voluntarios que máis tempo pasaron na biblioteca.

Debuxo Artístico

Estes días o corredor principal do centro converteuse nunha sala de exposicións grazas aos traballos do alumnado da materia de Debuxo Artístico de 1º de Bac.

Debuxo Artístico no IES Monte das Moas on PhotoPeach

mércores, 21 de xuño de 2017

Poemas intimistas de Curros Enríquez

Orixinal "vídeoa animación" realizada polos alumnos Lúa Pazos e Christian Losada de 1º B Bac.  para presentar diversos poemas de Cúrros Enríquez. 

martes, 20 de xuño de 2017

Premios aos máis lectores

Esta mañá entregamos os premios a dous dos rapaces máis lectores do noso centro, grazas aos seus "LECTURÓMETROS", que fan as veces de marcapáxinas, recordatorio de devolución e carnet da biblioteca.
Parabéns e ....seguide así.
Martina Gómez de 2º ESO E
e
Daniel Mourelle Saavedra  de 1º ESO C

Recomendacións para o verán.

Deixámosvos aquí as recomendacións da biblioteca para este verán
Visítanos!!!!


venres, 16 de xuño de 2017

Premios aos mellores "FOTOLECTORES"

Publicamos os gañadores aos premios ás mellores fotografías de tema lector. Faremos entrega dos premios na biblioteca o vindeiro LUNS 19 no recreo.
1º PREMIO:
Alba González Ramos. 2º ESO D
"A lectura, un universo paralelo"
Alba co seu premio.

2º PREMIO:
Iria Losada García. 2º BAC A
"Intruso noutro mundo"
Iria ao lado da súa obra.
3º PREMIO:
Águeda Millán Pena. 1º ESO D
"Reflexos"
Águeda coa súa foto


ACCÉSIT:
Martina M. Gómez. 2º ESO E
"Lendo como pitufos"
Martina tamén acadou un pequeno agasallo





domingo, 4 de xuño de 2017

Primeiro Amor

Fermoso vídeo baseado nun relato de Manuel Rivas e dramatizado por alumnado de 1º A Bac, dentro da materia de Lingua Galega.

mércores, 31 de maio de 2017

Relatos premiados na asociacíón vecinal IAR.

O sábado 27 de maio a Asociación IAR fixo entrega dos premios aos traballos do "Día das Letras Galegas",
Resultaron premiados no Monte das Moas Darío  Francos  de 1º ESO A, e Lucía Cabarcos, e Aitana Ruíz  de 2º ESO B.

Parabéns.

luns, 29 de maio de 2017

Carlos Casares. Premiados no IES Monte das Moas

Tras os eventos organizados para conmemorar as Letras Galegas, facemos entrega dos premios aos mellores traballos en ilustración de camisetas e murais homenaxe a Carlos Casares.
Aí vai

Homenaxe a Carlos Casares no IES Monte das Moas on PhotoPeach

domingo, 28 de maio de 2017

Premios DADO 2017

O pasado martes 23 a rapazada dos nosos clubs de lectura asistiu a  unha gala no Ágora organizada polo grupo DADO para festexar as Letras Galegas e facer entrega duns premios aos mellores microrrelatos de entre os seis centros participantes (IES Monelos, Agra do Orzán, Elviña, Zalaeta, Rafael Dieste e nós, claro está) Desgraciadamente non acadamos ningún dos galardóns pero as nosas rapazas participantes dos Rebuldeiros de 1º de ESO fixérono moi ben e pasaron un bo rato. Outra vez será.
Parabéns tanto aos premiados como aos organizadores: profesores e alumnado do IES Ramón Menéndez Pidal (Zalaeta) e persoal da biblioteca Municipal do Ágora.

Aquí vos deixamos un pequeno reconto gráfico do evento.

luns, 15 de maio de 2017

Homenaxe a Carlos Casares

Preciosa animación realizada pola alumna Andrea Grobas de 2º E ESO para homenaxear ao autor Carlos Casares.
Para gozar!!!

xoves, 4 de maio de 2017

XXII Día da Ciencia na Rúa.

O vindeiro sábado 6 o noso centro participa  nesta interesante actividade cun "stand"sobre electricidade. 
Para saber máis clicade no póster e ide á páxina 34 do documento (descrición do noso centro, acticidades, participantes e profesorado implicado.

luns, 1 de maio de 2017

O "Telón de Aquiles" volve ao ataque

O grupo de teatro do centro  "Telón de Aquiles" volve este ano con enerxías renovadas... e tanto!!!!. Presentan dúas obras e estarán en cartel en diferentes sitios e datas como amosamos nestes cartaces.

Especial atención ao día 12 de maio no que farán dúas funcións seguidas no IES Calvo Sotelo e necesitan do noso apoio e calor:



xoves, 20 de abril de 2017

Actividades na SEMANA DO LIBRO


Como todos os anos celébrase a nivel mundial o DÍA DO LIBRO o 23 de abril. 
Este ano cadra en domingo pero no noso centro xa temos preparadas unha manchea de actividades.

Pasen e vean:
  • Mercado solidario de libros de 2ª man.
Será a terceira edición deste mercado  no que poñeremos, no corredor principal, libros de 2ª man procedentes de doazóns de toda a comunidade escolar a prezos moi módicos. A recadación será destinada, como en outras ocasións a unha ONG local.
  •  I Concurso de fotografía “FOTOLECTORES”
Un divertido concurso fotográfico aberto a todo o alumnado no que queremos recoller simpáticas fotos de temática lectora. As bases serán publicadas en breve neste blog e distribuídas por todo o centro. Grandes premios!!!
  • Exposición de NOVIDADES na biblioteca
Un ano máis faremos un último esforzo para presentarvos lecturas de todo tipo e adecuadas a todo tipo de lectores (biografías, divulgación, literatura, pensamento...)
  • Gran “Photocall” co Quixote.
A gran sorpresa é un gran cartaz tirado dunha magnífica ilustración do Quixote de Gustavo Doré  coa que todos nos podemos fotografar. Atrévete!

Cartel de presentación de Actividades:

mércores, 19 de abril de 2017

Os libros namorados, premiados

Xusto antes das vacacións de Semana Santa fixemos entrega dos premios aos mellores libro-poemas de temática amorosa. Todo o mundo tivo un pequeno agasallo pola súa participación.


Os premiados (de esquerda a dereita ):
Aitana Ruiz e Lucía  Cabarcos de 2º ESO B e
Sara Sanz e Manuel de 1º de ESO
Os participantes recollendo o seu pequeno agasallo

luns, 10 de abril de 2017

Recollida de premios na Biblioteca do Castrillón

O pasado martes 4 de abril o alumnado de 3º de ESO visitou a biblioteca do Castrillón para recibir os premios correspondentes ao concurso de Cartas de Amor organizado por dita biblioteca.
Os agraciados foron:
Francisco Manuel Villaverde , cunha emotiva  carta dedicada ao seu can e Adrián Janeiro con outra preciosa misiva dedicada á súa nai.

Merecidos parabéns aos dous!

Concurso Cartas de Amor on PhotoPeach

martes, 4 de abril de 2017

Animación á lectura

O alumnado da materia de "Música e Cine" elaborou uns orixinais cartaces para fomentar a lectura entre a nosa rapazada.
Moitísimas grazas!!!!




xoves, 23 de marzo de 2017

Libros namorados

Colgamos xa por toda a biblioteca os traballos presentados para o concurso de LIBROS DE POEMAS ILUSTRADOS. O xurado xa está mans á obra e os premios serán entregados antes das vacacións de Semana Santa.
Moita sorte a todos os participantes.

Ah ! E se pos o rato enriba das fotos poderás velas con máis detalle...



mércores, 15 de marzo de 2017

Premiados no concurso "Contos de Guerra e Paz"

Vimos de entregar hoxe no recreo os premios aos relatos gañadores no concurso de relato curto co gallo do "Día escolar da paz e a non violencia"

1º Premio: Noa Hernández de 1º B de BAC
2º Premio: Jennifer Vázquez de 1º B Bac
3º Premio: Raymond Manuel Rivera de 4º C ESO

De esquerda a dereita: Noa, Jennifer e Raymond


Estos son os relatos gañadores:

MITOLOXÍA

CONCURSO DE RELATO BREVE CON FONDO DE MITO CLÁSICO


A Biblioteca de IES Monte das Moas  a través do Departamento de Clásicas convoca un novo concurso de” Relatos Breves” que se rexerá polas seguintes bases:
1.- Poderán concorrer a este certame os alumnos/as de 3º e 4º da ESO e 1º e 2 de Bach.
2.-Os traballos terán como referencia un mito clásico*
3.- A extensión dos traballos non poderá exceder as 1600 palabras,
(4  folios tamaño A-4 a dobre espazo).
4.-Os traballos deberán presentarse nun sobre, asinado cun pseudónimo e logo introducirase neste outro cos datos persoais do autor/a.
5.-O xurado, que será dado a coñecer ó emitirse o fallo, terá ademais das facultades normais de outorgar ou declarar deserto o premio, as de interpretar as presentes bases.

6.-O prazo máximo de recepción dos traballos será o 16 de Maio do 2017. Mentres que o prazo de resolución do procedemento será o 30 de Maio do 2017.


 HABERÁ DÚAS CATEGORÍAS:
NIVEL ESO
NIVEL BACHARELATO
1º Premio : 40 €
2º Premio: 30€
3º Premio: 20€
1º Premio : 40 €
2º Premio: 30€
3º Premio: 20€

     O alumnado poderá consultar na biblioteca, na sección de MITOLOXÍA (292), todos os documentos. Tamén se lles aportará unha lista de mitos clásicos coas correspondentes citas do texto.

    O Departamento de clásicas responderá a calquera aclaración  que se queira facer respecto a este Concurso.

mércores, 1 de marzo de 2017

Día da Muller

Un ano máis, mulleres da comunidade educativa do IES Monte das Moas aportan o seu pequeno gran de area para facer visibles a extraordinarias persoas no eido da composición musical, mulleres que non o tiveron nada fácil e que, na maioría dos casos, foros silenciadas ou ben esquecidas por ter vivido nun mundo de homes.

Aí vai a nosa homenaxe que poderá ser visitada no corredor principal do noso centro  ata final de mes.
Achegamos tamén unha guía de lectura da exposición para que todo o profesorado que queira poda traballar as interesantes biografías co seu alumnado.

luns, 20 de febreiro de 2017

O "Telón de Aquiles" no campus Cocacola

O grupo de teatro do instituto veu de asistir a unhas clases maxistrais invitados pola Fundación Cocacola no apartado de premios teatrais "Buero Vallejo".



Para máis novas sobre o noso grupo de Teatro, non deixedes de visitar o seu blog:

domingo, 19 de febreiro de 2017

Día Internacional da Muller e a Nena na Ciencia

Co gallo do Día Internacional da Muller e a Nena na Ciencia, o Departamento de Física e Química en colaboración coa Biblioteca, elaborou un par de actividades para traballar a biografia e logros de dúas mulleres salientables nese eido, e ademáis.... GALEGAS!!!

Deixamos aquí as dúas presentecións para que o alumnado de 4º de ESO traballe con elas na biblioteca.



View more presentations or Upload your own.

mércores, 8 de febreiro de 2017

CONCURSO DE LIBROS DE POEMAS ILUSTRADOS


Achégase o "Día dos Namorados"
 e por esta razón a biblioteca convoca un CONCURSO DE LIBROS PERSONALIZADOS  
que ilustren poemas de temática amorosa.


BASES:
*                     Poderá participar o alumnado de 1º a 3º de ESO.
*                     Tras o visionado dos titoriais colgados nesta mesma entrada, a rapazada deberá fabricar pequenos libros que poderán ser ilustrados con diversas técnicas (collage, debuxos, fotos, etc) facendo alusión a pequenos poemas (pareados, cuartetos... ) de elaboración propia.
*                     Os poemas poderán estar escritos en calquera das linguas que se ensinan no centro: galego, español, inglés, francés ou latín.
*                     DATA e LUGAR de entrega:
ü  2 de marzo
ü  NA BIBLIOTECA
PREMIOS:
Haberá un 1º , un 2º  e un 3º premio que recibirán, entre outros agasallos, libretas especiais, entradas de cines, libros...
XURADO:
O xurado estará composto por profesorado membro do equipo de dinamización da biblioteca e alumnado dos cursos superiores.

Vídeotitoriais:
      
 Sin palabras. Moi sinxelo de facer.                          En español. Tamén moi doado.