Finalistas do Concurso de Microrrelatos

Xa están expostos os finalistas do noso concurso de microrrelatos, que adoitamos facer polo día do libro. Este curso todos os relatos teñen que ver co teatro. A finais de mes daremos a coñecer os gañadores. Boa sorte !!!

 

DÍA DO LIBRO 2025

 

Feira do libro solidaria

Como é costume no IES das Moas, xa está montada a nosa feira do libro solidaria. Podedes levar un libro por cada kilo de comida non perecedeira que traigades. O recaudado será para o Banco de Alimentos da Coruña. Os libros estarán dispoñibles durante un mes aproximadamente, do Día do Libro ata pasar o Día das Letras Galegas, neste mes que no IES adicamos as letras. 

                      

Mellores lectores do segundo trimestre

A piques de rematar o segundo trimestre, e en vísperas do Día do Libro, celebramos na Biblioteca do IES Monte das Moas a entrega dos premios aos mellores lectores, aqueles que remataron un ou mesmo dous Lecturómetros estes tres meses. 

CONCURSO DE VIDEOPOEMAS

 

AQUÍ TAMÉN SE FALA: O DÉPOR É DA CORUÑA

 

A nosa escola participa nunha nova edición da campaña de dinamización lingüística promovida desde o IES Rafael Dieste da Coruña e na que nos sumamos moitos dos institutos da cidade, Aquí tamén se fala que foi galardoada o ano anterior co premio Rosalía de Castro.

Na edición pasado centrámonos na dinamización da nosa lingua no comercio dos barrios do Castillón, dos Castros, da Gaiteira e de Eirís, mais as accións que este curso lidera de novo o IES Rafael Dieste centráronse na reivindicación para o que o Deportivo sexa da Coruña e repoña o topónimo oficial da nosa cidade no seu escudo.

 

Fermina Yáñez, directora, Ana Martíns, coordinadora do EDLG e Matilde Mosquera, xefa do Dpto de LGL

No primeiro trimestre, a directora do IES Monte das Moas, a xafa do Departamento da Lingua Galega e a coordinadora do EDLG da escola asinamos para que esta iniciativa se poida trasladar á entidade. Esta pasada fin de semana lanzouse a campaña nos medios e a rapazada do Dieste repartiu 15000 adhesivos á entrada do estadio na previa do partido Dépor- Cádiz.

Entre as persoas asinantes, á parte de docentes e membros dos equipos directivos de moitos institutos da Coruña, sumáronse, entre outros, representantes de institucións como o daquela presidente da RAG, Víctor Freixanes; a presidenta do Consello da Cultura Galega, Rosario Álvarez; o reitor da UDC, Ricardo Cao e o secretario xeral de Política Lingüística, Valentín García Gómez.

Os medios dan conta da campaña nas seguintes noticias: no Praza Pública, en La Opinión, no Xornal da Coruña, en El Español, na radio na Cadena Ser e na Cadena Cope.

Esperamos que a forza da rapazada poida conseguir o que non loitaron as institucións e que se poida recuperar o topónimo oficial nun dos bens máis queridos da nosa cidade e que a entidade, agora que tamén se sumou á campaña a Federación de Peñas, proceda á súa reposición no escudo.