Os microrrelatos das persoas participantes no Concurso de Microrrelatos ilustrados e banda deseñada de terror están expostos no vestíbulo de entrada da nosa escola e podedes ver canta cualidade teñen e que terrorífica imaxinación decorou todos os currunchos de Monte das Moas durante o tempo de Samaín.
luns, 31 de outubro de 2022
venres, 28 de outubro de 2022
TABOLEIROS DE TERROR EN 1º E 2º ESO
Os diferentes grupos de 1º e 2º da ESO, coordinados polos seus titores e titoras, animáronse a participar no concurso de taboleiros de terror organizado polo EDLG do noso instituto e velaquí podedes ver o arrepiante resultado. Axiña saberemos cales son os gañadores!!
Moitas grazas por participardes e parabéns pola vosa enorme e terrorífica creatividade!!
ENCONTRO LITERARIO COA ESCRITORA ANTÍA YÁÑEZ
No día de hoxe o alumnado de 1º e 2º de Bacharelato puido coñecer a escritora burelá Antía Yáñez nunha actividade deseñada polo Equipo de Dinamización da Lingua Galega, coa colaboración da biblioteca e grazas ao financiamento do programa de Encontros Literarios da Subdirección Xeral do Libro e da Lectura do MEC.
A narradora centrouse en explicar cales foros as intencións e como foi o proceso creativo das súas novelas máis recoñecidas. Falou de Senlleiras, obra de lectura obrigatoria para o alumnado de 2º Bacharelato no segundo trimestre, e da súa recente publicación, Non penses nun elefante rosa que trata o tema da saúde mental.
O alumnado destes cursos tivo a oportunidade de establecer un coloquio con ela que amabelmente respondeu as súas cuestións e, ademais, deixounos asinados varios dos exemplares das súas obras que tedes dispoñibles na biblioteca do noso centro.
xoves, 27 de outubro de 2022
VISITA DO CREADOR DE VIDEOXOGOS EN GALEGO CARLOS DOURADO
Hoxe visitou o noso centro Carlos Dourado de Qaramelo videoxogos. Conversa moi interesante sobre un tema que, estamos seguras, vos interesa moito. Contounos a formación que fixo para poder dedicarse a isto e tamén como se elasbora un videoxogo. Canto traballo! E nós pensando que saía da nada! Hai que buscar información, deseñar o contido, debuxar os personaxes e os espazos, programar, facer as comprobacións de funcionamento e, se todo vai ben, publicalo.
Nesta ligazón podedes acceder á súa web e ver como son os seus proxectos de videoxogos, xa sabedes que algúns están sen rematar.
Xa sabedes que na play store podedes atopar as súas creacións.
Dende aquí animámosvos a que probedes e difundades o seu traballo. É un rapaz moi novo, 23 anos, que está comezando e que precisa do noso apoio!
Esta actividade, organizada polo EDLG, foi posible grazas á colaboración do SNL do Concello da Coruña que ten esta charla como unha das que oferta a centros educativos para visibilizar traballos culturais feitos en galego.
Deixámosvos tamén unhas fotos de diferentes momentos da conversa.
mércores, 26 de outubro de 2022
MICRORRELATOS CON TÍTULOS E PORTADAS DE TERROR
O alumnado de 1º de Bacharelato na materia de Reforzo de Lingua Galega, coa colaboración do EDLG, elaborou estes microrrelatos a partir dos títulos e das portadas de terror para celebrar o Samaín 2022.
xoves, 20 de outubro de 2022
.png)
domingo, 16 de outubro de 2022
17 DE OUTUBRO. DÍA DAS ESCRITORAS
Para celebrarmos o Día das Escritoras o equipo de biblioteca traballou co alumnado para realizar esta exposición de fichas sobre escritoras recoñecidas nos sistemas literarios galego, español, da cultura lusófona e en francés.
O resultado dos traballos do alumnado da ESO pode verse exposto no vestíbulo da entrada durante esta semana conmemorativa para homenaxear a literatura de autoría feminina.
venres, 14 de outubro de 2022
martes, 11 de outubro de 2022
NA TERRA DE EDUARDO PONDAL A TRAVÉS DOS SEUS POEMAS. VISITA A DOMBATE, BORNEIRO E VALARÉS
No día de hoxe o alumnado de 1º ESO puido desfrutar dun día soleado de excursión nunha visita ao Dolmen de Dombate e Castro de Borneiro en Cabana de Bergantiños. Alí grazas ás explicacións do profesorado de Ciencias Sociais e de Lingua Galega e Literatura puideron coñecer algo máis sobre a cultura megalítica na zona de Bergantiños e Soneira, así como coñecer e recitar poemas do poeta Eduardo Pondal.
Despois foron até a casa natal do escritor pontecesán e desde alí comezaron a ruta a pé desde o Malecón de Ponteceso até a fermosa praia de Valarés onde xantaron e puideron desfrutar dunha entretida tarde xogando na area da praia.
A excursión foi organizada conxuntamente polo Departamento de Lingua e Literatura Galega e de Ciencias Sociais coa colaboración do Equipo de Dinamización da Lingua Galega.
Aquí podedes ver os poemas de Eduardo Pondal que se recitaron durante o roteiro literario e o vídeo como lembranza da xornada.mércores, 5 de outubro de 2022
Lecturas en galego sobre a saúde mental
O Día Mundial da Saúde Mental trae, o día 10 de outubro, unha reflexión e unha alerta sobre a actitude de ollarmos para a condición da saúde da nosa mente. A data foi instituída en 1992 pola Federación Mundial da Saúde Mental. Este día, son promovidas accións e conferencias de concienciación acerca da importancia de coidar da parte psicolóxica.
Desde que a data foi creada, houbo moitos progresos no campo da psicoloxía e da psiquiatría, posibilitando tratamentos máis adecuados a cada patoloxía e eficiencia no diagnóstico de transtornos mentais.
Calcúlase que case 1 billón de persoas son portadoras de transtornos mentais en todo o mundo. No entanto, gran parte dos pacientes non teñen acceso ao tratamento adecuado e a programas de acollemento, o que pode levar ao agravamento do cadro.
A OMS considera a saúde mental unha prioridade en relación á divulgación e defende que esta cuestión non é, estritamente, un problema de saúde, por tanto, precisamos estar atentos aos síntomas de alerta, como alteración no sono, na alimentación, na disposición interna, nas relacións, nas actividades escolares e laborais e tantos outros sinais alterados.
Os motivos para ignorar os avisos da mente, e consecuentes avisos do corpo, acostuman ser a falta de coñecemento, vergoña de ter un trastorno mental ou de facer terapia, medo do rexeitamento e das críticas alleas, receo da represión da familia ou asignación do malestar mental a elementos externos.
As perturbacións de natureza mental e os transtornos mentais, independente de súa gravidade, son hoxe unha das doenzas máis incapacitantes do século XXI. A depresión, por exemplo, é unha das doenzas que ten máis relación con factores de risco de suicidio.
Desde o EDLG e Bibliomoas non queremos deixar pasar este día sen ofrecervos unha selección de lecturas en lingua galega sobre trastornos da saúde mental, suicidio, transtorno bipolar, depresión, etc... temas que afectan a boa parte da comunidade educativa galega e que convén visibilizar e normalizar para que quen os sofre se sinta apoiado, retratado e acompañado. Non se sae só deses problemas e a lectura pode axudar a recoñecérmonos e axudarmos á mellora das nosas condicións de vida cara un benestar desde o punto de vista mental.
luns, 3 de outubro de 2022
ROTEIRO HISTÓRICO E LITERARIO EN CELANOVA CO ALUMNADO DE 2º BACH
No día de hoxe o alumnado de 2º de Bacharelato visitou a vila ourensá de Celanova nunha excursión organizada polo Departamento de Lingua e Literatura Galega coa colaboración do Equipo de Dinamización da Lingua Galega e a biblioteca.
Puideron coñecer a través dunha visita guiada o Mosteiro de Celanova, a Capela de San Miguel e mais a Casa dos Poetas situada na casa natal do poeta Curros Enríquez.
Despois de xantar acudiron á fermosa biblioteca do IES de Celanova e alí o alumnado da materia de Literatura Galega do Século XX recitou poemas e liu textos dos poetas celanoveses Curros e Celso Emilio Ferreiro.
Posteriormente desprazáronse para visitar Vilanova dos Infantes e alí coñeceron as covas dos Zapateiros e a torre medieval da vila. Antes de regresar á Coruña gozaron dunha tarde con baño nas termas de Outariz.
Subscribirse a:
Publicacións (Atom)