"Mensaxes Enmascaradas"

 Concurso aberto a  ao alumnado de ESO do noso centro no que  buscabamos a foto coa máscara decorada máis orixinal.

Máscaras Ilustradas

 Dentro das actividades organizadas pola Biblioteca para o Día da Paz e con motivo do Día da Ilustración en honor ao nacimento do noso insigne Castelao, temos a honra de presentarvos o traballo realizado polo alumnado de 1º de ESO na materia de Debuxo: poñerlle imaxe á paz sobre máscaras. 

Velaquí o tedes:

 

Máscaras Ilustradas

 

Publish at Calameo

Pequena presentación dalgunhas das máscaras:

 

DA GUERRA COMA A ARTE/ A ARTE NA GUERRA

Dentro das actividades enmarcadas dentro do DÍA da PAZ, o departamento de Xeografía e Historia organizou  unha charla co título  DA GUERRA COMA A ARTE/ A ARTE NA GUERRA a cargo da historiadora Rosario Sarmiento para o alumnado de de 1º de BAC. 

Pequena reportaxe fotográfica da conferencia AQUÍ.

Día da Paz: Actividades

Amosamos aquí as actividades do Día da Paz con estes pequenos vídeos. Parabéns ao alumnado de 1º e 2º de ESO que participou no evento.
O segundo vídeo amosa alumnado de 1º de ESO traballando a exposición.

A Arte da Paz

Achegámonos ao Día da Paz e a nosa contribución será unha "performance" no corredor  principal do centro no recreo e unha pequena escolma de obras dedicadas a esta temática escollidas e comentadas por profesores e alumnado.
 Deixámosvos aquí tamén unha guía de traballo sobre a exposición para que o profesorado que así o desexe comente co seu alumnado as obras expostas e busque información sobre alguhas cuestións.

Non volo podedes perder.

Aarteda Paz

Leer más publicaciones en Calaméo

DíadaPaz by Bibliomoas on Scribd

Día da Paz 2019: A reportaxe

Éxito total da campaña de "vacinación"colectiva polo bo trato argallada pola Biblioteca do noso instituto. Máis de 100 compromisos da nosa rapazada solidaria.
Aquí vos deixamos a reportaxe do evento.

Día da Paz: A vacina do BO TRATO

Co gallo do Día da Paz, a Biblioteca está a organizar un evento no corredor pricipal coa idea de "vacinar" a todo canto alumnado quera contra o maltrato e a violencia.
Aquí podedes ver en que consiste a actividade.

Un mundo mellor é posible

Alumnado de 1º e 2º de ESO elabora portadas coas novas que a todos nos gustaría ler.

Premiados no concurso "Contos de Guerra e Paz"

Vimos de entregar hoxe no recreo os premios aos relatos gañadores no concurso de relato curto co gallo do "Día escolar da paz e a non violencia"

1º Premio: Noa Hernández de 1º B de BAC
2º Premio: Jennifer Vázquez de 1º B Bac
3º Premio: Raymond Manuel Rivera de 4º C ESO

De esquerda a dereita: Noa, Jennifer e Raymond

Estos son os relatos gañadores:

Día da Paz

O día 30 de xaneiro celébrase o Día escolar da Paz e a Non-violencia.
Queres saber por que ou desde cando se celebra?
Pincha na foto e o veredes. Na páxina web ofrécense múltiples recursos para traballar a temática da paz.

E lembrade....se sodes de 4º de ESO ou de  1º de Bac, hai convocado un concurso de relatos no que queremos que nos contedes AS OUTRAS HISTORIAS POSIBLES.

CONTOS DE GUERRA E PAZ. As outras historias posibles

Concurso de relato curto

“Contos de Guerra e Paz”

A Biblioteca do IES Monte das Moas convoca un concurso  de creación literaria para celebrar o Día da Paz

BASES:

·         Pode concursar todo o alumnado de 4º de ESO e 1º de Bacharelato.

·         O concurso consistirá na elaboración dun relato baseado nun dos cadros da exposición da  biblioteca.

·         Os relatos deberán ter entre 200- 250 palabras e estar escritos en galego. Entregaranse por correo electrónico no seguinte enderezo: bibliomontemoas@gmail.com  antes do 10 de febreiro cos datos d@s autor@s (nome completo e curso).

·         O texto consistirá nunha historia orixinal e baseada nos personaxes ou as situacións que aparecen no cadro escollido. Trátase de contar “as outras historias posibles”.

·         É imprescindible indicar o número do cadro seleccionado e elaborar un título axeitado para os relatos que se presentan.

XURADO:

O xurado estará composto por membros do equipo de dinamización da biblioteca

PREMIO:

1º Premio : Tarxeta FNAC por valor de 40 euros

2º premio: Tarxeta FNAC por valor de 20 euros

3º premio: Dúas entradas de cine

Os premios poden quedar desertos de non cumprir coa calidade axeitada ou coas condicións de presentación.

Os relatos gañadores pasarán a ser propiedade da biblioteca para a súa  posible publicación posterior.