RECREATORS 2019-20

O Departamento de Xeografía e Historia traballou con alumnado de 2º de ESO na realización de maquetas e debuxos de recreacións medievais. Podedes  ver a exposición no corredor principal durante as primeiras semanas de xaneiro.

Aquí vos dixamos un vídeo con algunhas das representacións máis salientables.

80 Aniversario da II Guerra Mundial

Co gallo do 80º aniversario da II Guerra Mundial o Departamento de Historia do centro elaborou unha fantástica exposición con elementos relativos a dito acontecemento: revistas, periódicos, uniformes, trebellos... unha completísima información da guerra en imaxes. 

Deixámosvos aquí o vídeo promocional e máis unha pequena presentación coas fotos da exposición que poderedes visitar na biblioteca ata fin de mes.

Reproducións Históricas

Velaquí a última exposición presentada pola biblioteca e elaborada polo Departamento de CCSS. Trátase dunha serie de documentos e outras reproducións históricas que ilustran o modo de vida na España dos séculos XVIII ao XIX.

A exposición continuará na Biblioteca ata mediados do mes de xaneiro.

Exposición "O Patrimonio Marítimo de Galicia"

Co gallo do Día da Ciencia en Galego, e xunto cunha exposición de novidades de divulgación científica na bilioteca, vimos de presentar unha exposición no centro cedida polo CEIDA (Centro de Extensión Universitaria e Divulgación Ambiental de Galicia) :

O Patrimonio Marítimo de Galicia.

Para traballar con dita exposición, a biblioteca elaborou un cuestionario orientado ao alumnado da ESO para o seu aproveitamento nas materias de Galego, Xeografía e Historia, Ciencias Naturais ou ben nas horas das titorías.

A exposición estará no centro ata o día 18 deste mes. 
Podes descargar a folla de traballo AQUÍ