Chega por fin o noso novo número da revista do EDLG do IES Monte das Moas que recolle todas as actividades realizadas ao longo do curso para dinamizar a lingua galega entre toda a comunidade educativa. Esperemos que vos guste.
Moitos parabéns a todo o equipo e ao alumnado implicado na súa dinamización. Neste ano Castelao e das nosas cantereiras foi un orgullo aturuxar con este noso Son Rebuldeiro!!
O alumnado de 1º ESO A e C, así como 3º PDC, puido participar onte nun obradoiro de regueifa impartido pola regueifeira coristanquesa Lupe Blanco que acudiu a Moas para ensinarlles o valor da improvisación oral e os mecanismos para poder compoñer unha boa regueifa.
Distribuídos por equipos puxeron a proba os seus coñecementos e elaboraron coplas ben simpáticas!! Grazas, Lupe, por animarnos este día achegándonos ao mundo da regueifa!
No día de hoxe, no segundo recreo, tivo lugar a nosa particular celebración de peche do Club de lectura deste curso, a entrega de premios aos mellores lectores do terceiro trimestre, xunto ao agradecemento aos noso colaboradores de biblioteca e a entrega de premios do Concurso de Microrrelatos que fixemos polo día do libro.
Foi unha xornada moi alegre, chea de diplomas e regaliños. Contamos, ademias, coa presenza dun colaborador moi especial para nós, o alumno do ano pasado Daniel Collazo, que quixo acompañarnos e animar ao alumnado deste curso a seguir colaborando coa Biblioteca escolar. Agradecemosvos a vosa participación nas actividades da Biblioteca e esperámosvos o próximo curso.
O pasado venres o alumnado de Anatomía aplicada de 1º de Bacharelato explicou a compañeiros doutros niveis a información exposta na entrada sobre os distintos aspectos do proxecto interdisciplinar sobre a Real Expedición Filantrópica da Vacina.
Contamos coa colaboración de Ana González Tizón, profesora de Xenética da UDC e gran divulgadora científica. Estiveron tamén acompañados polos seus profesores caracterizados de personaxes relevantes da Expedición Balmis.
Xa está lista a exposición dos "Haikiños ilustrados" sobre o tema da convivencia, de aí o lema "Con versamos", pois os alumnos de 3º de ESO e 1º de BAC experimentaron con esta composición poética derivada do haiku xaponés, co obxectivo de crear a súa propia antoloxía pictórica-poética, froito desta exposición.
Conversamos foi un proxecto cuxa finalidad foi a de poteciar a creatividade e o espíritu crítico e reflexivo do alumnado en torno ao tema da convivencia e a sociedade na que lles tocou vivir, a través de unha perfecta simbiose entre a poesía e a ilustración.
.jpg)
Este proxecto quedou recompilado nunha modesta edición que quedará na nosa biblioteca. O proxecto levouse a cabo de man da profesora María Jesús Martínez Míguez, en colaboración co Departamento de Lingua castelá, o equipo da Biblioteca escolar e o Departamento de Orientación a través do proxecto PIE: mellora da convivencia. Velaquí a beleza da encuadernación final:
Desde a Biblioteca, o Departamento de Lingua castelá e o de Orientación, o alumnado de 3ºESO e de 1ºBAC está a elaborar os seu propios "haikiños" ilustrados, unha composición inventada pola súa profesora e escritora María Míguez, basada no haiku xaponés. Partindo do lema "Ut pictura poesis", adaptan a súa creación literaria a un debuxo que dará lugar a unha exposición a final de curso e a unha antoloxía. De momento, todos temos un marcapáxinas conmemorativo.
.jpg)
.jpg)
Ao longo deste curso levouse a cabo unha actividade interdisciplinar ao redor do tema: A REAL EXPEDICIÓN FILANTRÓPICA DA VACINA, aproveitando a mesma para resaltar a figura de Isabel Zendal.
Nesta actividade implicáronse os departamentos de Xeografía e Historia, Bioloxía e Xeoloxía, Física e Química, Matemáticas, Tecnoloxía, Biblioteca e EDLG. Isto permitiu un tratamento da información de xeito interdisciplinar e integrador.
Os aspectos tratados e actividades realizadas desde os distintos departamentos foron:
. “A corveta María Pita”. O departamento de Historia reproduciu unha recreación dunha parte das estancias dun barco do século XIX, neste caso concreto, a “Corveta María Pita”, na que partiu a REFV o 30 de novembro de 1803. No seu interior obsérvanse moitos elementos relacionados coa navegación, así como carteis explicativos sobre a vida nun barco nesa época e outros moitos temas. Tamén hai unha parte dedicada á Coruña de hai dous séculos.
Parte dos carteis expostos foron elaborados polo alumnado de 1º de ESO.
. “O sistema inmunolóxico e as vacinas”. O alumnado de Anatomía aplicada de 1º de Bacharelato traballou sobre o sistema inmunolóxico e a súa relación coas vacinas. Elaboraron modelos sinxelos para explicar como funcionan, utilizando, entre outros, o exemplo do funcionamento dos grupos sanguíneos. Posteriormente fixeron talleres nos que explicaron a información a compañeir@s doutros niveis.
.“As flores”. En 1º de ESO realizaron maquetas coas diferentes partes da flor. Ao seu carón poden atoparse exemplos de flores características de lugares onde arribou a REFV.
