EXPOSICIÓN DE MICRORRELATOS

Os microrrelatos participantes no Concurso de Microrrelatos organizado por Bibliomoas xunto co Departamento de Lingua e Literatura Castelá xa están expostos no noso vestúbulo. Axiña coñeceredes as persoas gañadoras.

EXPOSIÇÃO 25 DE ABRIL

Para comemorar a data da Revolução dos Cravos de Portugal o alunado de Português desenhou uns cartazes alusivos à data. E o alunado de Plástica de 4º ESO, graças á colaboração do Departamento de Educação Plástica e Visual decorou as letras da famosa canção Grândola Vila Morena.

BRONCE PARA SAMUEL SUMAY MÍGUEZ NA OLIMPIADA DE QUÍMICA

O alumno de 2º de Bacharelato, Samuel Sumay Míguez, participou esta fin de semana na fase nacional da XXXVI Olimpiada Española de Química, celebrada na Universidad de Valencia

 Alí acadou a medalla de bronce e a representación galega logrou as medallas de prata e bronce o que sitúa a Galicia entre as mellore comunidades autónomas e mostra o talento científico-técnico das novas xeración do alumnado galego, tal e como sinalou Manuel Rodríguez Méndez, decano do Colexio Oficial de Químicos de Galicia, como se pode ler nesta noticia.

Desde Bibliomoas queremos felicitar a Samuel e ás súsa profesoras de Química, Hervilia Seco Lago e Eva Fernández Quintás que o prepararon para este certame.

MERCADO SOLIDARIO NO MES DO LIBRO

Dende a biblioteca, con motivo do Día do Libro e do Día das Letras Galegas celebraremos durante un mes (mediados de abril a mediados de maio) un mercado de libros solidarios.

Permanecerá aberto durante os recreos na entrada do centro atendido polos voluntari@s da nosa biblioteca. 

Alí poderedes coller un libro a cambio de:

- 1 kg/l de alimentos non perecedoiros.

- Latas de conservas.

- Produtos de hixiene ou limpeza.

Os recursos conseguidos doaranse ao banco de alimentos da Coruña.

Solidariedade e lectura fan boa xuntanza.

CERTAME DE MICRORRELATOS

O Departamento de Lingua e Literatura Castelá, en colaboración coa biblioteca, organizou este certame de microrrelatos para festexar a celebración do Día do Libro. Animádevos a participar!!

PREMIO Á MELLOR LECTORA

Mencía Bergondo García, de 4º ESO e colaboradora voluntaria da biblioteca recibiu o premio á mellor lectora por ter rematado o lecturómetro con 10 novos empréstitos.

VISITA AO TEATRO

O alumnado de 4º da ESO acudiu ao teatro á representación Contos de vellos punkies para encarreirar a mocidade nunha actividade organizada polo Departamento de Lingua e Literatura Galega.

EXPOSICIÓN DE TECNOXOGOS

O alumnado de 1º ESO realizou esta exposición de Tecnoxogos oraganizada polo Departamento de Tecnoloxía para celebrar o Día Mundial da Ciencia e da Tecnoloxía que se celebra o 10 de abril.

 

VISITA A PADRÓN E RIANXO

O alumnado de 1º de Bacharelato visitaron hoxe a vila de Rianxo, onde puideron coñecer a Casa de Manuel Antonio e o Museo do Mar, e realizar unha xincana cultural e literaria pola vila. Ao mediodía foron paseando desde a vila á praia de Tanxil, onde xantaron e pola tarde desprazáronse a Padrón. 

En Padrón visitaron a Casa de Rosalía e despois puideron desfrutar dun tempo libre nas atraccións das festas da Pascua.

VISITA DOS ESTUDANTES DE INTERCAMBIO DE ITALIA

Aquí tedes un vídeo que resume a fantástica experiencia da visita dos estudantes italianos de Como no noso centro e cidade cos que a nosa escola fixo o intercambio no nivel de 1º de Bacharelato.

ALUMNO DE 2º BACH NA XL OLIMPIADA GALEGA DE QUÍMICA

Samuel Sumay Míguez

O alumno de 2º Bach A Samuel Sumay Míguez participou na Olimpíada de Química e quedou clasificado en 2º lugar, como podedes ver nesta noticia. 

Preparou a súa participación coa súa profesora de Química, Hervila Seco Lago, responsable do Departamento de Física e Química do noso instituto.

O tres mellores de cada demarcación universitaria participarán na XXXVI Olimpíada Española de Química, que este ano terá como sede da Universidade de Valencia, do 21 ao 23 de abril.

Parabéns para Samuel e moita sorte na vindeira fase!!

DÍA DA POESÍA

Nas aulas de Lingua Castelá e Literatura o alumnado celebrou con estes debuxos de poemas e recitados o Día da Poesía

VISITA DO ESCRITOR NUNO MATOS VALENTE

O alunado de português de 1º, 2º e 3º  assistiu à palestra do escritor de literatura infantil e juvenil, Nuno Matos Valente, autor do livro Bestiário Tradicional Português que os muídos lêem nas aulas e do que desenham exemplos de monstros e personagens míticos portugueses.

Após a conversa com o escritor, puderam jogar ao jogo de caça dos seres míticos que desenhou o professor Gabriel André Caneda. Foram distribuidos por equipas e com os seus telemóveis acudiram para a caça de seres prodigiosos que estavam pela nossa escola.

A experiência foi fantástica e ficamos a saber muito mais sobre estes seres do imaginário português tão semelhantes com os da cultura tradicional galega.

#UNHA MÚSICA NO INSTI, MURAL DE LAURA ROMERO

 A artista gráfica Laura Romero acudiu ao noso instituto para elaborar un mural dentro do proxecto #unhamúsicanoinsti cun deseño de mulleres músicas que pintou na porta da cafetería do centro.

Nel podedes ver a poeta e música Lucía Aldao, a cantante do grupo Leria, Magüi Berto, cantante das Ginebras e a música Hydn.

Ademais mantivo unha charla cun grupo de 1º ESO e asinounos o seu libro Ferreñas & Rock and roll no ilustra diferentes músicas galegas e que podedes encontrar na nosa biblioteca.

Podedes ver o magnífico resultado nestas fotos.

VISITA DA ESCRITORA ANA ALONSO

No día de hoxe dous grupos de 2º ESO e un de 4º ESO puideron desfrutar no salón de actos da interesante charla coa escritora Ana Alonso, autora entre outros, da novela El sueño de Berlín que liu o noso alumnado. Podedes atopar máis obras da escritora na nosa biblioteca. Son todas elas lecturas moi recomendables!!