As persoas gañadoras do Concurso de Microrrelatos de terror ilustrado na ESO son:
Irina García Lorenzo 1º ESO D
Gonzalo Escudero Castro 2º ESO C
Irene Rodríguez Pawlow de 3º ESO B
Paula González Portas de 4º ESO C
A entrega de premios fíxose logo da lectura dramatizada dos seus relatos na biblioteca durante os recreos o mércores 30 de outubro.
Parabéns a todas as persoas participantes e ás gañadoras!!
.jpeg)
.jpeg)
.jpeg)
.jpeg)
Durante todo o primeiro trimestre estamos a realizar a formación dos novos usuarios da biblioteca. Para iso temos unha presentación actualizada que está dispoñible na páxina web do noso IES e que vos deixamos enlazada nesta entrada.
É moi útil para todos aqueles que precisedes un repaso do xeito de buscar un libro ou do funcionamento e normas da noa bilio. Premede no enlace vermello para poder disfutala.
Velaquí tedes os alumnos de 1º ESO E asistindo a formación.
Este ano o día das escritoras celebrouse o 14 de outubro. Esta IX edición adicouse a facer homenaxe a aquelas mulleres que "miraron" cara o mundo rural. Nós, particularmente, tamén nos fixamos en aquelas que se adicaron ao teatro e, por suposto, a todas as escritoras que traballaron nas diferentes linguas que se estudan no centro.
Traballaron no tema os alumnos de 1º e 2º de ESO por grupos. Cada un ocupouse dunha escritora e presentámola en forma de organizador gráfico, para que todos podamos profundar máis nas súas obras.
CONCURSO CREATIVOS DE SAMAÍN MONTE DAS MOAS 2024
MICRORRELATOS ILUSTRADOS DE TERROR
BANDA DESEÑADA DE TERROR
O alumnado desde 1º da ESO até 1º de Bacharelato poderá participar en dúas categorías de concursos
creativos de Samaín:
a) Microrrelatos ilustrados de terror
b) Banda deseñada de terror
Poderá presentar un microrrelato e/ou banda deseñada. A presentación poderá ser en formato electrónico (a banda deseñada en formato jpg ou pdf) e será enviado por correo ao seguinte enderezo remoealingua@gmail.com ou entregado ao/á profesor/a de Lingua Galega e Literatura.
O microrrelato ou banda deseñada serán exclusivamente en lingua galega.
O microrrelato non superará a extensión de 150 palabras. Valorarase especialmente a orixinalidade e a calidade narrativa, así como a inclusión de elementos propios do Samaín e da cultura popular galega relacionada coa morte e cos defuntos.
Terá que ir acompañado dunha ilustración de medo que complemente o texto.
A banda deseñada poderá ter a extensión que se queira.
Os traballos entregaranse antes do venres, 25 de outubro e a coordinadora do EDLG, Ana Martínez, será quen os custodiará ata que o xurado se reúna e escolla o mellor relato, cuxo/a autor/a recibirá un premio.
Os microrrelatos gañadores serán lidos, preferentemente pola persoa que os elaborou, nunha lectura dramatizada na biblioteca e expostos no taboleiro do vestíbulo de entrada da escola.
OLA!!!!
Comezamos a nosa actividade un ano máis na nosa biblioteca, organizando colaboradores, clubs de lectura, exposicións e outras actividades de animación á lectura. Contamos con todos vós para lévalas a cabo!
Este ano a Asesoría de Bibliotecas Escolares de Galicia proponnos traballar arredor do teatro. Biblioteca escolar, A escea!
