RECITAL DO ALUMNADO NO DÍA DE ROSALÍA DE CASTRO 2025

Ao longo destas dúas vindeiras semanas o alumnado da ESO e de 1º Bacharelato acudirá en diferentes quendas á biblioteca da escola para recitar versos de Rosalía de Castro cuxo día se celebra o próximo domingo, 23 de febreiro.

MASTERCLASS DE FÍSICA DE PARTÍCULAS NO DÍA DA NENA E DA MULLER NA CIENCIA

O día 11 de Febreiro, conmemorando o Día Internacional da Nena e da Muller na Ciencia, Xiana, Noa e Emma, alumnas de 1º de Bacharelato, tiveron o privilexio de asistir a unha Masterclass de Física de Partículas, organizada polo IGFAE na Facultade de Matemáticas de Santiago de Compostela.

A xornada repartiuse en mañá e tarde. Pola mañá, leváronse a cabo unha serie de charlas introdutorias do tema e unha parte práctica onde as rapazas realizaron tarefas de identificación de partículas coma as que se desenvolven no IGFAE. Xa despois de xantar, debateron sobre a importancia da cuestión de xénero nas carreiras de ciencias e finalmente realizouse unha videoconferencia onde se analizaron os resultados obtidos na parte práctica con outras alumnas de Río de Janeiro e de Barcelona ademais de dúas científicas do CERN.

PREMIOS OS MELLORES DESEÑOS DO DÍA DA PAZ

Foi moita a creatividade e beleza das letras e palabras presentadas para a nosa actividade do Abecedario pola Paz, pero decidimos escoller estes deseños como premiad  

Paula Pérez Martínez, 4º ESO A

Valeria Carnero Fernández, 1º ESO B

  

Emma Seguí Seijas, 1º BAC A

Breogán González Uzal, 1º ESO E

Rebeca Seco Rivas, 3º ESO B

   

DÍA DA CANDELORIA, CANDO CASAN OS PAXARIÑOS

O alumnado de 3º e de 4º da ESO decorou coplas de amor ou deseñou haikus de primavera e agarimo para celebrar a Candeloria este 2 de febreiro e recuperar esta tradición de homenaxear a amizade e o amor no día no que casan os paxariños. Velaquí podedes ver os seus debuxos.

CANDELORIA 2025 HAIKUS E COPLAS DE AMOR de Remoe a lingua

UN ABECEDARIO POLA PAZ

Este curso, para conmemorar o Día da Paz, desde á biblioteca acordamos facer entre todos os cursos, desde 1º da ESO a 1º de BAC, un Abecedario pola Paz. Cada curso encargouse dunha letra e de seleccionar catro palabras significativas do tema, pois para falar de PAZ sobran as palabras, con calquera grafía. As palabras estiveron decoradas para a ocasión. E aquí podedes ver o resultado. Haberá premio para os mellores deseños.

Foi un moi bo traballo colaborativo. Noraboa!

 

EXPOSICIÓN LIBROS DÍA DA PAZ

Na nosa biblioteca xa están expostos uns cantos libros relacionados co tema da paz e a súa ausencia, á guerra. Achegádevos a botarlle un vistazo!