Recomendacións de lectura de Bibliomoas para un 2021 cheo de libros

Colaboración na "Leitura colaborativa-expansiva de Carvalho Calero" organizado polo EDLG do IES Milladoiro

Desde o EDLG do IES Milladoiro pedíronnos colaboración para sumarnos á súa chamada para a "Leitura colaborativa-expansiva de Carvalho Calero" na que participou a nosa alumna Ainhoa Tages de 1º Bacharelato B co seu recitado do poema "Maria Silêncio" e con ela elaboraron esta felicitación de Nadal cos enlaces a todas as listas de audios.

Tamén se recolle a nosa participación no programa de radio do IES Perdouro de Burela e que podedes escoitar neste enlace.

Felicitamos ao EDLG do IES Milladoiro e ao IES Perdouro de Burela pola realización deste interesante proxecto para homenaxear o persoeiro das Letras 2020. 

SAMAÍN 2020 en Bibliomoas

Esta semana na biblioteca entregamos os agasallos do Concurso do Samaín 2020 e do concurso do Día do Libro do curso pasado celebrado durante o confinamento. Podedes ver nesta publicación os relatos, debuxos e fotos gañadoras do Samaín e as persoas que os crearon recibindo os seus presentes.

Samaín 2020 en Bibliomoas

Haz clic para leer este libro hecho con Book Creator

https://read.bookcreator.com

MES DA CIENCIA EN GALEGO NO IES MONTE DAS MOAS

O Departamento de Tecnoloxía en colaboración con Bibliomoas coordinou estas presentacións sobre investigador@s galeg@s recoñecid@s polo seu labor na investigación e divulgación científica.

Podedes ver nestes documentos a importancia do traballo de moitas mulleres científicas en eidos nos que a súa presenza e visibilidade é por veces aínda inxustificadamente pouco recoñecida ou valorada.

Con esta publicación queremos contribuír ao seu recoñecemento e visibilización e tamén á impulsar a divulgación científica en lingua galega.

María José Alonso Fernández de Ariadna Alcalde Mahía (1º Bacharelato A)

Begoña Vila Costas, astrofísica de Marta Fernández e Aldara Pérez Cifuentes (4º ESO A)

María Wonenburger, matemática de Ana Isabel Díaz López (1º Bacharelato A)

Amparo Alonso Betanzos, enxeñeira química de Susana González Aller (1º Bacharelato B)

Marisol Soengas, científica e microbióloga de Ainhoa Mosteiro Lago (1º Bacharelato B)

Alicia Estévez Torazno, microbióloga de Lydia Sandá Celeiro (1º Bacharelato A)

Deborah García Bello, investigadora  de Brian Veiga Bueno  (1º Bacharelato A)

Ramón Núñez Centella, científico de Aitor Vigo Cruz (1º Bacharelato B)

As mozas nas TIC de Andrea Groba Camoiras  (2º Bacharelato A)

EPISTOLARIO CONTRA A VIOLENCIA DE XÉNERO

Epistolario contra a violencia de xénero

Haz clic para leer este libro hecho con Book Creator

https://read.bookcreator.com

Concurso de relatos, audiocontos e fotos arrepiantes para o Samaín das Moas

Xa que chega o tempo do Samaín, imos sacar toda a nosa imaxinación máis terrorífica para crearmos historias, audiocontos e fotografías de medo, misterio ou até gore e macabras. Anímate a participar e poderás obter un agasallo!!

   

Bases Concurso Samaín 2020 de bibliomoas

Bases fotos terrorificas samain de bibliomoas

Formación de usuarios na semana do Día das Bibliotecas

Neste curso en que as visitas físicas á nosa sala de lectura están limitadas polas medidas do protocolo desta época de pandemia, esta semana do 19 ao 23 de outubro previa ao Día das Bibliotecas o vindeiro 24 de outubro quixemos dedicala á formación de usuarios. 

Desde as aulas o profesorado que integra o equipo de biblioteca mostrará ao alumnado que acaba de chegar ao noso instituto, sobre todo aos de 1º da ESO, esta presentación para que poidan coñecer os nosos fondos, as normas da biblioteca para este curso e para que sintan que a biblioteca escolar continúa ofrecéndolle os seus materias e recursos para contribuír á súa formación académica e tamén ao desfrute da lectura nos seus tempos de lecer.

Protocolo de préstamos e devolucións de Bibliomoas para o curso 2020/2021

Procedemento para préstamos e devolucións from bibliomoas

Homenaxe a Quino e a súa Mafalda

Esta fin de semana recibimos a triste noticia do pasamento do debuxante Quino. Mafalda é para nós unha das personaxes que máis alegría nos dá sempre nas bibliotecas e nunca nos cansamos de lela e de desfrutar da súa visión feminista, pacifista e crítica co mundo dos adultos. Aquí vos deixamos algunhas das súas tiras cómicas en diferentes idiomas e deseños feitos por diferentes debuxantes para homenaxear a figura do seu creador.

Protocolo Covid Bibliomoas

Aquí tedes o protocolo máis ampliado das normas da biblioteca neste curso escolar. Mesmo que o acceso á nosa sala de lectura estea limitado, continuamos coas funcións da biblioteca para garantir que o alumnado poida consultar os nosos fondos. Continúa o servizo de empréstito de libros e filmes e a posibilidade de empregar algúns dos ordenadores de consulta. Tentaremos que a biblioteca poida no posíbel fornecer recursos que ofrezan unha mellora da calidade educativa do noso alumnado e que a lectura siga facendo parte da formación académica e do desfrute de toda a comunidade escolar.

Protocolo De Bibliomoas

Leer más publicaciones en Calaméo

Revista O Son Rebuldeiro

Deixámosvos nesta entrada un novo número da nosa revista dixital, O Son Rebuldeiro, elaborada durante o curso 2019-2020 e na que podedes ver algunhas das actividades organizadas pola biblioteca e outros departamentos do noso instituto e gozar dos textos creativos e reflexivos do noso alumnado, moitos deles creados tamén durante o tempo do confinamento.

Revista 2020

Leer más publicaciones en Calaméo

A nosa guía de verán

Quentiña, directamente do forno presentámosvos as nosas recomendacións de verán. Podédes achegarvos á biblioteca cando veñades a polas notas se queredes mergullarvos nun mar de lecturas este verán.

Fotos gañadoras do concurso "OS LIBROS CONFINADOS"

Non temos fotos coas agraciadas pero deixamos aquí a relación das fotos premiadas no IV Concurso dd Fotografía da Biblioteca.
Parabéns a todos os participantes, foi unha ledicia traballar con semellantes artiatas.

1º Premio:
PAULA RODEIRO IGLESIAS de 1º ESO C
Título: O confinamento lector

Preciosa foto que conxuga unha vista do noso barrio coa lectura en confinamento

 2º Premio:
LYDIA SANDÁ CELEIRO  de 4º ESO A
Título: Cun café, un libro e o pixama.

Que máis se pode pedir dun día en confinamento?

 3º Premio:
CLARA PARGA VERDÍA de 1º  ESO B
Título:A fábrica de soños.

Non hai mellor fábrica de soños que a lectura.

 

CLUB DE LECTURA 3º ESO: EDGAR ALLAN POE

Club lectura 3 poe de RemoeaLinguaLinguaGa

TRABALLOS DO CLUB DE LECTURA DE HISTORIA DEL ROCK DE JORDI SIERRA I FABRA

Esta presentación sobre ABBA foi realizada pola alumna Sara Martínez no Club de Lectura coordinado por Alberto Fachado no que leron o libro Historia del rock de Jordi Sierra i Fabra.

 

Abba from RemoeaLinguaLinguaGa

Festival Virtual de libros de Galicia

O FLIV: Festival Virtual de libros de Galicia,  lanza unha web chea de sorpresas da que se fai eco a recvista de Tecnloxía Código Cero.
Clica na imaxe para saber máis.

Protocolo da biblioteca polo COVID-19

"OS LIBROS CONFINADOS". Fotografías finalistas.

Rematado o prazo de presentación das vosas obras de arte  para o IV Concurso de Fotografía organizado pola biblioteca, presentámosvos as 10 fotografías finalistas. Un xurado extperto formado por profesores confinados votarán as tres mellores.

 Sorte a tod@s!!!!

Bibliotecas confinadas

O pasado 19 de maio saiu no Ideal Gallego un artigo sobre como levabamos o confinamento desde as bibliotecas. O CEIP O Graxal de Cambre, o CEIP Emilia Pardo Bazán e o IES Monte das Moas demos conta de nosas humildes aportacións nestes tempos tan difíciles.
Velaí o artigo:

Día DAS LETRAS GALEGAS

Feliz día Das Letras a tod@s!!!!

Pinchando na imaxe veredes os recursos recollidos sobre a figura do noso eminente homenaxeado. Algúns de vós xa estades ou estivestes traballando neles. 

Presentaremos en canto estea montado un vídeo que recolle sentidas lecturas de textos de D. Ricardo Carvalho Calero por parte do alumnado e profesorado.

Moito ánimo.

 

Enquisa para valorar o funcionamento da biblioteca.

Feliz Día do Libro!!

MES DO LIBRO: IV Concurso de fotografía.

Presentamos o IV Concurso de Fotografía auspiciado pola BIBLIOTECA do noso instituto. Este  ano, botamos a andar un emotivo certame aberto a toda a comunidade educativa co título de 

"LIBROS CONFINADOS" coa idea de xuntar un feixe de fotografías que ilustren as nosas circunstancias lectoras neste tempo de confinamento.

So necesitas unha foto orixinal e un título. Mándao ao correo da biblioteca xunto co teu nome e curso, se es alumn@ e xa está. A entrega de premios e exposición das fotos realizarase a finais de curso ou se non pode ser, a comezos do próximo.

MES DO LIBRO:De que libro falo? Adiviña o título con emoticonos.

Lanzamos un simpático concurso aberto a toda a nosa comunidade escolar, pero en especial aos integrantes do club de lectura.

Presentación do libro Corredora de María Reimóndez en 1º ESO C

Dúas das alumnas de 1º ESO que participan no Club de Lectura expuxéronlles aos seus compañeiros do grupo 1º ESO C o argumento e outras cuestións interesantes sobre a autora e o ilustrador do libro Corredora da autora luguesa María Reimónde. 

Paula Rodeiro Iglesias e Helena Bermúdez Freire achegaron falaron da temática do libro, dalgunhas  cuestións sobre Etiopía, país ao que pertence a protagonista, e expresaron a súa opinión persoal sobre a novela.

ÁNIMO MONTE DAS MOAS

Unha sentida homenaxe a todo o noso alumnado pola súa forza e resistencia. 

ÁNIMO!!!

 

AULAS GALEGAS

Presentamos un recurso moi interesante,

AULAS GALEGAS

 un espazo educativo creado por un grupo de profesores que reúne actividades para todos os niveis e todas as materias.

Interesantísimo!!!!

 

Máis recomendacións

COVID-19: Propostas para pasar o confinamento na casa.

Querémosvos botar unha man cunhas propostas culturais para que poidades pasar este peche forzoso un pouquiño mellor: Libros, películas, vídeos... esperamos que vos sexan útiles.

• Miles de películas e libros gratis para facer menos duros estes días de aillamento.