Un ano máis o IES Monte das Moas respondeu á convocatoria do concurso Cartas de amor que organiza a Biblioteca do Castrillón. Nesta 10ª edición, participaron 26 alumnos e alumnas de 4º ESO con grande éxito, pois, en palabras do xurado, foi moi moi difícil decidir os premios. Finalmente, as cartas escollidas foron: os poemas “A Coruña” de A Coruñesa, “Amor incondicional” de Gussy, “O amor xorde no río” de Pez2008calvo, e os textos de Dulce Vida e Mango.
Como podedes ver, están asinados con pseudónimos polo que, se queredes saber de quen son, deberedes poñervos a investigar!
Parar e observar, sentir, recoñecer e expresar o amor en todas as súas vertentes (xoooo, hormonas, que hai vida máis aló do noso crush!) é verdadeiramente enriquecedor. A que mola querer?
Fantástica actividade! We love IES Monte das Moas – We love Biblio do Castrillón.
Orgullo de barrio!
Ningún comentario:
Publicar un comentario