Biblioteca e EDLG do IES MONTE DAS MOAS
"Ler é soñar da man do outro" Fernando Pessoa

luns, 19 de decembro de 2016

Boletín de NADAL

Acaba de sair quentiño, quentiño o primeiro boletín de Nadal editado pola biblioteca e elaborado polo alumnado da materia de INEIN (Investigación e Tratamento da Información) de 2º de ESO.
É moi pequeniño e de fácil lectura. Esperamos que vos guste e que o ano que vén o poidamos ampliar.
Picade na imaxe para velo.



mércores, 14 de decembro de 2016

Entrega de premios.

Hoxe fixemos entrega dos premios correspondentes aos concursos de "Microrrelatos de Terror"e o de "Logos contra a violencia de xénero"

Dous son os relatos gañadores do primeiro concurso:

  • 1º Premio: La Habitación de Lucía Cabarcos (2º B ESO)
  • 2º Premio: Brenda Ramírez  (2º C ESO)

Ambolos dous relatos e os dous finalistas serán publicados en breve neste mesmo espazo.

Lucía Cabarcos recolle o premio.

En canto ao concurso de Logos non sexistas convocado pola biblioteca para o alumnado de 1º de ESO, a agraciada foi Carolina González de 1º A ESO que foi premiada cunha camiseta estampada co seu logo.

Carolina, á esquerda,  recollendo un pequeno agasallo 

O logo gañador

xoves, 1 de decembro de 2016

Eduardo Mendoza. Premio Cervantes 2016


O escritor catalán Eduardo Mendoza ven de recibir o premio Cervantes 2016, o equivalente ao Nobel das letras Españolas.
O autor de El misterio de la cripta embrujada ou  La ciudad de los prodigios, consegue así un dos galardóns máis ansiados por calquera escritor de fala hispana, e non sen méritos: unido a unha carreira profesional chea de "best-sellers" vai unha calidade literaria indiscutible.
Na biblioteca encontraredes unha mini-exposición dalgunhas das súas obras máis relevantes.


martes, 29 de novembro de 2016

Premiados no concurso de Epitafios do Samaín

Velaquí os premiados no concurso deste ano dos Epitafios de Samaín.

Jennifer de 1º B Bac, ...., Alba de 2º D ESO e Sergio de 2º D ESO.

luns, 28 de novembro de 2016

Plataforma veciñal contra a violencia de xénero

Deixamos aquí unha ligazón á nova que saliu hoxe na prensa sobre a constitución dunha plataforma contra a violencia de xénero, da que o noso  centro, entre outros da contorna, é colaborador activo.

venres, 25 de novembro de 2016

Día contra a violencia de xénero


A biblioteca súmase á campaña internacional contra esta lacra coa exposición de logos non sexistas realizados polo alumnado de 1º de ESO e cunha proxección dunha presentación na propia biblioteca.

Cartel premiado






mércores, 9 de novembro de 2016

Premiados no concurso de "Sopa de Letras de Samaín"

O pasado venres fixemos entrega aos premiados do concurso de Samaín que a biblioteca organizou para 1º de ESO.

Estos foron os premiados:
Candela Nogareda 1º A

Susana González 1º B
Daniel Mourelle 1º C

Lucía González 1º D
Sofía Gómez 1º E

Ainhoa Sánchez 2º C (Ref.)

Formación de Usurios 2016

Reportaxe fotográfica da Formación de Usuarios realizada na biblioteca co alumnado novo no centro e os premiados do concurso de "busca do libro perdido"

Formación de Usuarios 2016 on PhotoPeach

venres, 4 de novembro de 2016

LOGOS NON SEXISTAS

CONTRA A VIOLENCIA DE XÉNERO



A BIBLIOTECA do IES Monte das  Moas, organiza un concurso para elaborar

LOGOS NON SEXISTAS

Agradécese a colaboración dos departamentos didácticos  e dos titores do centro,

BASES:

Presentarase un lema e un debuxo alusivo ao tema do concurso en A4
Data límite  e lugar de entrega: 15 de decembro na biblioteca.

PREMIOS:

Os traballos premiados serán publicados na páxina do  centro e no blog da biblioteca  e os gañadores recibirán unha camiseta estampada  co logo do seu traballo  máis un vale para comprar material escolar.


XURADO: Persoal docente e alumnado de 2º de Bacharelato.

Concurso carteis contra a violencia de xénero


domingo, 23 de outubro de 2016

Voluntariado na biblioteca

O pasado venres 21 fixemos entrega dos diplomas expedidos pola Xunta a todas as alumnas que o curso pasado realizaron labores de axuda á xestión na biblioteca.

Noraboa a todas, e MOITAS GRAZAS pola vosa colaboración.


martes, 18 de outubro de 2016

O PAPAGAIO. Nova revista na biblioteca.

Presentámosvos O PAPAGAIO, publicación mensual da editorial Moito Conto pensada especialmente para as escolas
Unha morea de contidos divertidos, interesantes e instrutivos. Vaivos gustar un montón
.

domingo, 16 de outubro de 2016

Concurso de Microrrelatos de Medo

A biblioteca do IES Monte das Moas  e o departamento de Lingua Castelá organiza un 

Concurso de MICRORRELATOS para 2º de ESO.


Tema: MEDO/TERROR

PRESENTACIÓN: en medio folio, un máximo de 10 liñas, escritos a ordenador a dobre espazo, calibrí 12. Os datos persoais  (nome, curso) por detrás.

DATA E LUGAR  DE ENTREGA: 15 novembro, na caixa de suxestións da biblioteca.
O 22 daranse a coñecer os seleccionados.

PREMIOS: 1º e 2º premios consistentes en regalos sorpresa relativos ao Samaín

Poderá declararse deserto e tamén pode haber algún accésit.

XURADO:  persoal docente e alumnado de 2º de Bach.


Os textos pasarán a ser propiedade do IES Monte das Moas  para unha posible publicación.


Concurso de EPITAFIOS

SAMAÍN 2016

III CONCURSO DE EPITAFIOS
BASES:


1.               Poderá participar todo o alumnado que o desexe de calquera nivel. Poderanse presentar un máximo de cinco epitafios por alumn@.
2.               Os textos deben estar redactados en lingua galega, SER ORIXINAIS,   graciosos ou líricos, pero non poderán ser ofensivos.
3.               Os traballos poden presentarse en materiais como cartón, cartolina… e en calquera formato, pero procurando imitar a forma dunha lápida. O nome do autor ou autora figurará pola parte de atrás, así como o curso e o grupo.
4.               Premiarase a orixinalidade e a corrección lingüística.

5.               A data límite de entrega será o VENRES 4 de NOVEMBRO na biblioteca.

6.               O xurado estará formado por docentes.


PREMIOS:

Haberá un 1º, un 2º e un 3º premio, que serán agasallados con regalos sorpresa relativos ao Samaín.
      
Que teñades unha sorte …. DE MORTE!!!!! 


sábado, 15 de outubro de 2016

Bob Dylan: Premio Nobel de Literatura.

BOB DYLAN, como cambiaron as cousas!!!

O cantautor estadounidense de case 76 anos foi galardoado este xoves pasado co máis prestixioso premio das letras.

Inesperado aínda que merecido galardón (é a primeira vez que a academia sueca nomea a un músico) abre as portas a todos eses poetas da música que hai espallados polo noso planeta. Que siga medrando a lista, non hai cousa máis fermosa que a poesía para os oídos.
Se queredes saber máis deste artista, podedes mirar a súa páxina oficial, ligada ao seu nome, ou ben aquí.
Deixámosvos un vídeo ... para gozar.

mércores, 5 de outubro de 2016

Curso de "Youtubers" na biblioteca do Castrillón

A biblioteca do Castrillón pasounos esta interesantísima información sobre un cursillo para realizar vídeos de animación á lectura.

ANIMÁDEVOS!!!!

mércores, 14 de setembro de 2016

BENVID@S AO NOVO CURSO

Xa estamos outra vez de volta!!!!

 Este ano recibímosvos con dous ordenadores máis e traballaremos arreo para conseguir satisfacer as vosas demandas: libros novos, máis exemplares dos máis lidos, máis concursos, etc, etc.

Polo de agora, deixámosvos aquí un precioso vídeo para soñar un pouco... con libros, claro..

Ánimo!!!

domingo, 26 de xuño de 2016

PREMIO AO NOSO GRUPO DE TEATRO

Este blog está que ferve con tan boas novas. 
O grupo de teatro do IES Monte das Moas: "O Telón de Aquiles", dirixido polo profesor Rafael Alonso, acaba de acadar un merecidísimo 5ª premio no XIX Certame de Teatro "Candilejas Don Bosco" coa obra El Chico de la Última fila de Juan Mayorga. 
Especiais parabéns para os actores que foron destacados en dito certame: Sara Maneiro, Alba Paredes, Adrián Gallego e Andrés Rey.

O grupo de teatro ao completo recibe a merecida distinción

mércores, 22 de xuño de 2016

Presentación da revista "O Son Rebuldeiro"

Como cada ano por estas datas vimos de presentar un número máis da revista do centro editada por Normalización e un nutrido grupo de redactores de diferentes cursos do noso instituto.

Achegamos aquí unha pequena reportaxe coa presentación que se realizou na biblioteca.

Presentación "O Son Rebuldeiro" on PhotoPeach

luns, 20 de xuño de 2016

Feira de Libros de 2ª man: Entrega dos cartos conseguidos

Como recordades, no mes de abril, entre outras actividades para celebrar o mes do libro, puxemos en marcha unha exitosa campaña de venda de libros de 2ª man en beneficio dunha ONG local.
Pois ben. Hoxe tivemos oportunidade de entregarlle os cartos recadados a Ana ex alumna do noso centro, médico e colaboradora da ONG Ecodesarrollo Gaia que realiza un excelente labor no eido da inmigración na nosa cidade.

Dous momentos da entrega dos cartos por parte de alumnas de 1º E ESO
Aquí vos deixamos un pequeno vídeo ilustrativo do labor que realizan na nosa cidade e en Senegal.

xoves, 16 de xuño de 2016

mércores, 15 de xuño de 2016

III Concurso de Debuxo "Picasso Coruñés"

Alumnado do noso centro foi galardoado con importantes premios nesta edición do concurso que selecciona as mellores obras presentadas nas categorías de :
- Mellor Xornal
- Mellor Ilustración
- Mellor Redacción
Parabéns aos premiados:

III Concurso de Debuxo "Picaso Coruñés" on PhotoPeach

domingo, 12 de xuño de 2016

Premios ao alumnado máis lector

Grazas ao noso "lecturómetro" puidemos premiar, a través dun sorteo ao alumnado máis lector cun pequeno agasallo.

Aquí vos deixamos as fotos das alumnas agasalladas. Parabéns a todas!!!
De esquerda a dereita: Alba, Martina e María Rey de 1º A ESO

Thalita de 4º A ESO

Lucía García de 2º B ESO

martes, 7 de xuño de 2016

EXPOSICIÓN LUTHIERS

Outra magnífica exposición do traballo do alumnado de 3ª e  4ª de ESO amosando mecanismos de instrumentos musicáis.
Xunto coa exposición podedes encontrar uns documentos explicativos do traballo dos luthiers e pequenas biografías dos mellores do mundo para que contestedes un cuestionario sobre a exposición.
Tamén podedes gozar dun vídeo coas fotos da exposición e un anaco dun concerto ofrecido polo alumnado de música de 1º A de BAC.
Aquí deixamos a documentación.


luns, 6 de xuño de 2016

Mapa nteractivo do barrio

Mañá martes presentamos oficialmente este marabilloso traballo colaborativo consistente na elaboración dun mapa interactivo do barrio que recolle aspectos históricos, sociais, económicos e mesmo emocionais do entorno onde vive ou traballa a comunidade escolar do IES Monte das Moas.

Para quen non poida vir á presentación aquí deixamos o mapa:

Premios do Concurso de RELATO BREVE CON FONDO DE MITO CLÁSICO

Vimos de fallar o premio aos mellores relatos con temática de mito clásico e velaquí as flamantes gañadoras:

Noa Hernández e Jennifer Vázquez, ámbalas dúas de 4º de ESO A  polos seus magníficos relatos que serán publicados en breve neste mesmo espazo.

Polo de agora conformádevos con esta fotografía na que as dúas rapazas posan cos seus contos e os premios: Senllas tarxetas regalo da librería Fnac por valor de 40 e 30 € respectivamente.

Parabéns ás escritoras.


mércores, 18 de maio de 2016

Mes das Letras Galegas: RUTA DO REXURDIMENTO

O Departamento de Lingua e Literatura Galega do IES Monte das Moas quere propoñer a todo o alumnado de 3º da ESO, nesta semana das Letras Galegas 2016 unha nova e divertida actividade.

Trátase de descubrir a pegada que deixou o Rexurdimento cultural do s. XIX na Coruña;  para iso,  haberá que facer un atento percorrido por rúas e prazas, monumentos e ... lugares "especiais" coa axuda de pequenas pistas que podedes consultar nesta páxina.
As profesoras de lingua prestarán toda a axuda posible.

Agardamos  as vosas fotos e comentarios e, o máis importante, que o pasedes ben!!


Adiante!

martes, 10 de maio de 2016

Manuel María: Poemas ilustrados.

Alumnado de 1º de ESO fixo un magnífico e orixinal traballo ilustrando o sentir dalgúns dos máis coñecidos poemas de Manuel María.

Ilustrando poemas de Manuel María no IES Monte das Moas on PhotoPeach

domingo, 1 de maio de 2016

TEATRO: "El Chico de la Última Fila"




Esta pasada semana tivemos a gran sorte de asistir a outra magnífica representación dunha obra a mans do cada día mellor grupo de tratro do instituto capitaneado polo profesor Rafael Alonso.
Por se non tivestes oportunidade de asistir á, polo de agora, única representación, deixámosvos aquí o trailer que fixeron para ir facendo boca. 
Non vos perdades...

"El chico de la última fila"

de
 Juan Mayorga


mércores, 20 de abril de 2016

NOVIDADES NA BIBLIOTECA

Deixámosvos aquí un pequeno collage con algunhas das novidades que adquirimos na biblioteca , entre outras cousas, para celebrar o Día do Libro.
Pasade a vernos se queredes ver todo o que temos : novela, banda deseñada, divulgación científica, fotografía, arte...

martes, 5 de abril de 2016

SEMANA DO LIBRO. Programa de Actividades

O 23 de abril celébrase en moitos países o DÍA DO LIBRO e, como non podía ser doutro xeito, na biblioteca puxémonos mans á obra para conmemoralo como se merece.
Deixámosvos aquí o cartel coas principais actividades que esperamos que sexan do voso agrado.

Cartel Día do Libro

domingo, 6 de marzo de 2016

Día da Muller

8 de marzo

Como xa vai sendo tradicional no noso centro, de novo profesoras e alumnas collémonos da man para protagonizar unha sentida homenaxe a mulleres punteiras da nosa historia. 
Este ano quixemos representar a escritoras que supuxeron grandes cambios sociais ou literarios grazas aos seus escritos. 

Para gozar da exposición, pásate polo corredor principal do instituto, pola biblioteca ou ben “clica” na foto de embaixo.

Guía de Lectura

O Equipo de Debate


O equipo de debate o día da súa intervención

luns, 29 de febreiro de 2016

Minicampus dos premios Buero Vallejo

O grupo de teatro do instituto asistiu o sábado 27 de febreiro aos Minicampus dos Premios Buero Vallejo organizados pola Fundación Coca-Cola nas instalacións do Ágora, A Coruña. Así puideron disfrutar  de leccións prácticas de coñecidos artistas nas especialidades de Voz, por Paloma de Pablo, Interpretación, por Tito Asorey, ou Improvisación, por Carles Castillo. Unha experiencia inesquecible onde contactaron con membros de diferentes grupos teatrais de toda Galicia. Noraboa á Fundación Coca-Cola e grazas.




Os rapaces asistiron co profesor Rafael Alonso, responsable do grupo de teatro no IES Monte das Moas

venres, 26 de febreiro de 2016

CONCURSO DE RELATO BREVE

CONCURSO DE RELATO BREVE CON FONDO DE MITO CLÁSICO

A Biblioteca de IES Monte das Moas  a través do Departamento de Clásicas convoca o Primeiro Concurso de” Relatos Breves” que se rexerá polas seguintes bases:
1.- Poderán concorrer a este certame os alumnos/as de 3º e 4º da ESO e 1º e 2 de Bach.
2.-Os traballos terán como referencia un mito clásico*
3.- A extensión dos traballos non poderá exceder as 1600 palabras,( 4  folios tamaño A-4 a dobre espazo).
4.-Os traballos deberán presentarse nun sobre, asinado cun pseudónimo e logo introducirase neste , outro cos datos persoais do autor/a.
5.-O xurado, que será dado a coñecer ó emitirse o fallo, terá ademais das facultades normais de otorgar ou declarar deserto o premio, as de interpretar as presentes bases.
6.-O prazo máximo de recepción dos traballos será o 15 de Maio do 2016. Mentres que o prazo de resolución do procedemento será o 30 de Maio do 2016.
7.- HABERÁ DÚAS CATEGORÍAS:
NIVEL ESO
NIVEL BACHARELATO
1º Premio : 40 €
2º Premio: 30€
3º Premio: 20€
1º Premio : 40 €
2º Premio: 30€
3º Premio: 20€

·         Na mesma Biblioteca habilitarase un espazo para que os alumnos/as ,  que queiran, consulten as mitoloxías necesarias. . Tamén se lles aportarán unha lista de mitos clásicos coas correspondentes citas do texto.

·         O Departamento de clásicas responderá a calquera aclaración  que se queira facer respecto a este Concurso.

mércores, 24 de febreiro de 2016

Visita de Andrea Maceiras. O vídeo

Presentamos aquí unha pequena recompilación de fotos e anacos da interesantísima charla que a escritora Andrea Maceiras ofreceu no noso centro e á que nos acompañaron alumnado do IES Monelos e do IES Rafael Dieste o pasado martes 16.


mércores, 17 de febreiro de 2016

Premios "DADO" de Videoanimación Lectora

Premios dAdO
 DE Videoanimación Lectora
BASES:

OBXECTIVO: Concurso de Animación á lectura a través da creación de vídeos feitos co móbil

FORMATOS:
1ª CATEGORÍA: Vídeo individual sen ningún tipo de edición. Poderán participar unicamente os alumnos participantes nos clubs de lectura dos centros do Grupo Dado. O libro comentado non ten necesariamente que ser un dos lidos nos clubs. Duración: 2 ou 3 minutos. PREMIOS:   1º premio: 50 euros nun vale por libros; 2º premio: 30 euros nun vale por libros; 3º premio: 20 euros nun vale por libros.
2ª CATEGORÍA: Vídeo grupal ao redor dun libro traballado nos clubs (mínimo 3 partipantes) feito sen nengún tipo de edición. Os equipos deberán estar constituidos por rapaces que actualmente participan nun club de lectura do Grupo Dado e centrarse nun libro que se leu ou se está a ler. Duración: 4 minutos máximo.  PREMIOS:  1º premio: 10 entradas de cine para calquera día do presente ano; 2º premio: 6 entradas de cine; 3º premio: 4 entradas de cine
3ª CATEGORÍA: Vídeo individual editado. Coas mesmas características que na primeira categoría pero incluíndo a edición, os alumnos participantes poderán non pertencer aos clubs de lectura. Duración: 2 ou 3 minutos.  PREMIOS:  1º premio: 30 euros nun vale por libros; 2º premio: 20 euros nun vale por libros

CARACTERÍSTICAS QUE SE VALORARÁN:
Conseguir persuadir os espectadores para que lean o libro que se presenta, ser orixinais no tratamento da información, mostrar un discurso organizado, adecuar o rexistro lingüístico á situación, utilizar correctamente a voz e usar creativamente a linguaxe non verbal. A lingua utilizada deberá ser o galego.


DATA DE ENTREGA: 18 de marzo enviando o vídeo a través de correo gmail a premiosdado@gmail.com Os nominados serán convocados a unha Gala no Ágora, na Semana das Letras Galegas, onde se farán as proxeccións dos mellores vídeos e a entrega de premios. Nas mensaxes que se manden cos vídeos ten que figurar o nome do alumno, centro e categoría pola que se participa.

Máis información na túa biblioteca escolar ou en http://lecturacoru.blogspot.com.es/


domingo, 14 de febreiro de 2016

VISITA de ANDREA MACEIRAS

O martes 16 de febreiro contaremos coa presenza da autora galega Andrea Maceiras que nos falará, entre outras cousas, da súa obra "Miña querida Sherezade". Aínda que a charla está pensada para alumnado de 3º de ESO, tanto profesores como pais que queiran acudir están por suposto invitados ao evento.

venres, 5 de febreiro de 2016

AS MIL E UNHA NOITES

Presentamos aquí un traballo moi interesante elaborado polo grupo de Lectores Rebuldeiros de 3º da ESO sobre a obra de Andrea Maceiras Miña Querida Sherezade.

martes, 2 de febreiro de 2016

Celebrando a Paz: A II Guerra Mundial e as súas consecuencias..

Non te perdas a exhibición que montamos na biblioteca para conmemorar a paz trala Segunda Guerra Mundial. 
  • ·         A contenda en imaxes (carteis e fotos da época)
  • ·         A guerra a través dos obxectos.
  • ·         A prensa da época
  • ·         As consecuencias.



martes, 19 de xaneiro de 2016

Prohibido Leer a Lewis Carroll

Simpático vídeo elaborado polos integrantes do Club de Lectura de 2º de ESO para promocionar este magnífico libro.
Non ten perda.

luns, 11 de xaneiro de 2016

Premiados no concurso de Nadal

Os rapaces que resultaron premiados no último concurso da biblioteca recollen o seu pequeno agasallo.

Parabéns a tod@s!!!!