Novidades na Biblio e lecturas de Nadal

EXPOSIÇÃO, CAMÕES POETA DO POVO NUM MUNDO EM MUDANÇA

O 2024 foi o ano do V Centenário de Luís de Camões e muitas das escolas galegas com oferta de ensino de português quisemos celebrar esta data. O ano passado a turma de 4º da ESO de português recitou vários poemas dele para nos incluir num projeto colaborativo que envolveu muitas escolas da Galiza.

O EDLG do centro solicitou este ano a espectacular exposição elaborada e editada pelo PCP que inclui aspectos da biografia e do desenvolvimento literário da obra de Camões e constitui uma justa homenagem e reconhecimento do poeta português mais universal, a sua vida e obra, os seus admiráveis versos, a sua obra épica e lírica, as suas cartas e o seu teatro.

Estes cartazes expostos no vestíbulo da escola mostram também como as navegações portuguesas contribuíram para inaugurar uma nova era no comércio mundial, abrindo caminho à crescente afirmação de um novo sistema social – o capitalismo, na sua fase mercantil – em ruptura com o sistema de servidão feudal dominante na Europa. 

Mas Camões toma partido neste mundo em transformação, cheio de contradições e violências inerentes a todos os sistemas de exploração e não deixa de expressar a consciência crítica sobre a condição humana e a fragilidade da vida, que espelha as contradições e as mudanças sociais, mentais e ideológicas do seu tempo.

A exposição também faz um percurso pelas relações entre Camões e a literatura contemporânea e estabelece uma analogia entre a sua obra e outros aspetos sociais atuais. Até há um painel dedicado à relação de Camões e a Galiza!

O alunado das turmas de Português, assim como os de 3º e 4º de PDC realizaram uma gincana com perguntas de compreensão sobre a informação dos painéis e os melhores de cada grupo receberão em breve o seu prémio.

Obrigadas à Associação de Docentes de Português da Galiza por se encarregar da coordinação dos empréstitos entre escolas.

"ELAS, PRODUTORAS EXECUTIVAS", O PAPEL DAS PRODUTORAS NO AUDIOVISUAL GALEGO

O alumnado de 4º ESO asistiu no salón de actos a unha xornada formativa organizadas pola AGAPI (Asociación Galega de Produtoras Independentes) en colaboración coa Deputación da Coruña para achegar á sociedade o papel capital das mulleres na produción audiovisual.

Despois do visionado da peza, "Elas, produtoras executivas" realizouse un debate entre algunha das protagonistas do documental  e o alumnado no que reflexionaron sobre o alto valor simbólico da peza como referente para creación da identidade da mocidade galega, xa que ofrece exemplos de mulleres poderosas e empresarias fundamentais no noso audiovisual.

Con este diálogo abriron un espazo de debate feminista para contribuír na capacidade de reflexión e análise entre a xente nova, así como promover o cinema e a actividade audiovisual como saída laboral ou elección de estudos futuros.

CONCURSO DE POSTAIS DE NADAL

Història Instagram Bon Nadal Fotogràfic Minimalista Blanc Fúcsia Verd de Bibliomoas

Portas violeta para o 25N

Este curso conmemoramos o 25N coa exposición "Abre e libérate", que parte do símbolo da porta violeta para significar unha mensaxe de esperanza e liberación fronte ao problema da violencia machista. A nosa idea parte da canción de Rozalén, "A porta violeta", que fala de abrir unha porta cara a unha vida libre de violencia e opresión. 

Todo alumnado do noso centro colaborou facendo a súa porta e as mensaxes de loita contra a violencia de xénero. 

Por outra banda, os alumnos de 3º da ESO traballaron este tema a través das historias de El conde Lucanor. Crearon contos exemplarizantes relacionados con este tema que se reuniron en dous fermosos volumes dos que damos conta nas imaxes.

Café con letras

O pasado luns 24 de novembro tivemos a nosa primeira reunión do Club de lectura de adultos, "Café con Letras", que inauguramos este curso. Nesta reunión, formada por persoal docente e non docente do centro, tivemos un invitado de excepción, o escritor coruñés Roberto Cagiao, autor do libro que estivemos a ler: Entroido. Falamos do seu libro e da súa obra na nosa biblioteca. Houbo café, tartas e regaliños para inaugurar esta nova actividade que comezamos con ilusión.

Entrevista da TVE-Galicia sobre o 25N no noso IES

A protagonista, o autor e director da obra "Mulleres nas redes" voltaron ao noso instituto para facer unha pequena entrevista acompañados de unha profesora e varias alumnas que opinaron sobre a mesma e sobre a celebración do Día Internacional da Violencia contra a muller. 

A reportaxe emitirase o día 25 nos telexornais. 

OS LIBROS MÁIS IMPORTANTES DA LITERATURA GALEGA

O alumnado de 3°C tivo hoxe a ocasión de participar no obradoiro "Os libros máis importantes da literatura galega" impartido por Isaac Lourido, profesor da UDC, e coñecer un pouco máis sobre o sistema literario galego.

Logo dunha reflexión inicial conxunta sobre como medir a importancia dun libro e dos seus autores/as, aprenderon 7 regras de ouro para os poder detectar (número de edicións, linguas a que foi traducido, premios...). A seguir, traballaron en grupos para puntuaren o libro que lles foi asignado a cada un seguindo os criterios explicados e por último crearon unha clasificación conxunta.

De seguro estas 7 regras axudarannos á hora de analizaren calquera obra literaria.

Téñoa negra! Literatura (e outras artes) contra a marea negra do Prestige

Onte cumpríronse 23 anos do afundimento do Prestige e, dende o instituto, quixemos render unha pequena homenaxe a esta data tan marcada na memoria colectiva.

Por iso, esta mañá un grupo de alumnos e alumnas de 2º da ESO participou nun obradoiro impartido por Isaac Lourido, profesor da UDC, que lles permitiu reflexionar sobre o impacto do desastre e sobre as respostas sociais que xurdiron ao respecto. Así, o alumnado puido coñecer e comentar exemplos da pegada que deixou o Prestige na literatura, na música e nas artes plásticas, descubrindo como a creación artística se converteu nun xeito de denuncia, memoria e reflexión colectiva.